Dry Of Red Silk Cotton Tree Flower„ Fired

#Hive #foodie #D.Buzz #Ecency
###Dry of Red Silk Cotton Tree Flower (Fired)
###လက်ပံပွင့်ခြောက် ကြော်

Hello „ all my friends.
မင်္ဂလာပါ
ဒီနေ့ မမကတော့ တန်ဖိုးနည်းဟင်းလျာ လို့ပြောလို့ရသလို အရသာလည်း ရှိပြီး အိမ်မှာရှိတဲ့ အခြောက်အခြ မ်း တို့ကို အသုံးချ ပြီး ဟင်းတစ်ခွက်ရအောင် ဖန်တည်းကြည့်ထားပါတယ်

ကျမတို့ နေထိုင်ရာနယ်ဘက်မှာဆို တစ်ပေါင်းတန်ခူး အချိန်ဆိုရင်ဖြင့် လက်ပံပင်များဆီမှ လက်ပံပွင့်လေးများ ရဲရဲတောက်ကြွေကျနေသည်ကို မြင်ပါက မကောက်ရ မနေနိုင်အောင် ကောက်ယူသိမ်းဆည်းပြီးသကာလ လက်ပံပွင့်ရဲ့ ဝတ်လွှာလေးတွေကိုဖယ် (ကလေးဘဝတုန်းကတော့ ထိုဝတ်လှာလေးတေကို အိုးပုတ်ထဲကြိတ်၍ ဆော့ကစား) အထဲမှ လက်ပံဝတ်ဆံလေးတွေကိုတော့ နေပူပူမှာ အခြောက်ခံကာ

ထိုလက်ပံခြောက်လေးများအား တနှစ်ပတ်လုံးသိမ်းယူ ကာ လက်ပံ​ခေါင်းချဥ်ရည်ဟင်း လက်ပံပွင့်သုတ် လက်ပံပွင့်ကြော် ဟူ၍ ချက်ပြုတ်စားသောက်ကြပါတယ်
အများအားဖြင့်တော့ လက်ပံပွင့်ခြောက်ကိုု ငါးခေါင်း ဘူသီး တို့နှင့်တွဲ၍ ချဥ်ရည်ချက်စားဖြစ်သည်က များသော်လည်း
လက်ပံပွင့်ခြောက်သုုတ်ကတော့ နဲနဲချွဲသည့် အတွက် တခါတရံမှသာ သုတ်စားဖြစ်ပါသည်
ယခုကတော့ လက်ပံပွင့်ခြောက်ကိုု ဆိတ်သားမွခြောက်ကဲ့သို့ ကြော်မည်ဟု စိတ်ကူးရမိသောကြောင့် ဆိတ်သားခြောက်ကြော် ပုံစံအတိုင်း ကြော်စားသည့် လက်ပံပွင့်ခြောက် မွမွကြော် ဖြစ်ပါသည်

#ပါဝင်ပစ္စည်းများကတော့
-လက်ပံပွင့်ခြောက်
-ကြက်သွန်နီ
-ကြက်သွန်ဖြူ
-ဆီ
-ငရုတ်ကြမ်းမှုန့်
-နန္နင်းမှုန့်
-ဆား
-အရသာမှုန့်
-ပျဥ်းတော်သိမ်ရွက်

တို့ပါဝင်ပါတယ်

#ပြုလုပ်ပုံကတော့
-အရင်ဆုံး လက်ပံပွင့်များအား ၁ နာရီကျော် ကြာ ပွလာသည်အထိ ရေစိမ် ထားရပါမယ်
-ဖုန်မှန့် ခဲသလဲကင်းစင်အောင် ဆေးကြောပြီး ဝတ်ဆံသတ်သတ် လက်ပံခေါင်းသတ်သတ် ဆယ်ယူ ရေစစ်ထားရပါမယ်

-ကြက်သွန်နီ /ဖြူ ပါးပါးလှီး န္နွင်းမှုန်ထည့် ဆီသတ်
-ကြက်သွန်နီ/ဖြူ ကြွပ်ရွလာပါက ဆယ်ယူထားပြီး
-ပျဥ်းတော်သိမ်ရွက်ကိုလည်း မကြွမ်းစေရန်ဂရုစိုက်ကြော်ထားပါ
-ရေစစ်ထားသော လက်ပံခေါင်း / လက်ပံပွင့်ခြောက်တို့ကို တစ်ဆင့် ခြင်း မွမွလေးဖြစ်အောင် မီးအရှိန်လျော့္၍ ကြော်ပေးရပါမယ်

-လက်ပပွင့်ခြောက်လေးများကြွပ်လာပါက ကြက်သွန်ကြော် ငရုတ်သီးကြမ်းမှုန့် ပျဥ်းတော်သိမ်ရွက်ကြော် ဆား အရသာမှုန် တို့ထည့်ကာ မီးဖိုပေါ်မှချ အအေးခံ၍
-လက်ပံပွင့်ခြောက်စပ် မွမွကြော်လေး တစ်ခွက်ရရှိမှာ ဖြစ်ပါတယ်
ငွေကုန်ကြေးကျ သက်သာပြီး အရသာရှိတဲ့ ဟင်းတစ်ခွက် ရရှိစေမှာ ဖြစ်ပါတယ်
သူ့အရသာကတော့ ဆိတ်သားခြောက်စပ် မွမွကြော် အရသာ အတိုင်းပါ လို့

Thanks „ for all.
@mamamyanmar