ဆူညံသံကြား
နိုးထခဲ့သည့်
ဒီဇင်ဘာမနက်ခင်း
ချွေးတဖြိုက်ဖြိုက်
မြို့ပြဆောင်းသည်
ဆောင်းနှင့်မတူ
ဖောက်ပြန်မှုသည်
ရာသီဥတုနှင့်
လူတို့၏အတ္တလောဘ
ဟန်ချက်ညီညီ
ဖြစ်ပေါ်နေသည်။
တရိပ်ရိပ်မူးနေသည့်
မူးဝေမှုသည်
မြို့ပြဆောင်းနှင့်အညီ
ရှင်သန်နိုးထလာခဲ့ပြီ။
ဒီဇင်ဘာဆောင်း
ခိုက်ခိုက်တုန်သည်မှာ
ပုံပြင်တစ်ပုဒ်အလား
ဟားတိုက်ရယ်မောနေသကဲ့သို့
ဆောင်းသည်ဆောင်းမဟုတ်
မြို့ပြသရုပ်ကို
စွန့်ခွာ၍
ဆောင်းသည်ဆောင်းဖြစ်သည့်
နေရာတစ်ခု၌
နေချင်နေမိသည်။
