မနေ့က Arsenal ပွဲကို အားကျလို့ ထင်ပါရဲ့ ပင်နယ်တီ အဆုံးအဖြတ် ယူရသည့် ပွဲစဉ် ၂ ပွဲ အထိ ပါဝင်လာခဲ့၏။ Man City vs Brighton နှင့် Liverpool vs Chelsea တို့၏ ပွဲစဉ်များ ဖြစ်၏။ City အနေဖြင့် လူငယ် အရံကစားသမား အများစုကို ပွဲထုတ် ကစားသွားခဲ့၏။ သာမန် ပွဲချိန်အတွင်းမှာ Brighton နဲ့ ၂-၂ သရေကျ၏။ ဧည့်သည် Brighton အသင်းက ဦးဆောင်ဂိုးတွေ အရင် သွင်းယူ၏။ Brighton က သွင်းလိုက် City က ချေပလိုက်နဲ့ပေါ့။
၃၀ မိနစ်မှာ Brighton သွင်းတယ်၊ ၄၀ မှာ City ချေပတယ်။ ၄၇ မိနစ် မှာ Brighton ဦးဆောင်ဂိုး ထပ်သွင်းတယ်၊ ၇၂ မိနစ်မှာ City က ချေပဂိုး သွင်းတယ်။ မိနစ် ၉၀ ပြည့်သည်အထိ ၂-၂ သရေ ဖြစ်နေလို့ ပင်နယ်တီ အဆုံးအဖြတ် ယူရာမှာ ၄-၃ နဲ့ City က အနိုင်ရသွားခဲ့ပါတယ်။ ဒီပွဲ အနိုင်ရသွားတဲ့ City အနေနဲ့ ကွာတား ဖိုင်နယ်မှာ Bradford အသင်းနဲ့ ယှဉ်ပြိုင် ရမှာ ဖြစ်ပါတယ်။
Liverpool vs Chelsea အသင်း ပွဲစဉ်မှာတော့ သာမန် ပွဲချိန်ပြီးသည်အထိ တဖက် ၁ ဂိုးစီ သရေကျနေခဲ့ပါတယ်။ ၂ သင်းလုံးရတဲ့ ဂိုးတွေကလည်း ပင်နယ်တီ ပြစ်ဒဏ်တွေကနေချည်း သွင်းယူသွားတာပါ။ အချိန်အားဖြင့်လည်း မကွာပါဘူး။ ၄၀ မိနစ်မှာ Chelsea က ဦးဆောင်ဂိုးရတယ်။ ၄၃ မိနစ်မှာ Liverpool က ချေပတယ်။ ပင်နယ်တီ အဆုံးအဖြတ်မှာတော့ Liverpool က ၆-၅ ဆိုတဲ့ ရလဒ်နဲ့ အနိုင်ရသွားပါတယ်။ Liverpool အနေနဲ့ ကွာတားဖိုင်နယ်မှာ Bournemouth နဲ့ ယှဉ်ပြိုင် ကစားရမှာ ဖြစ်ပါတယ်။
Bournemouth ဆိုလို့ ခုတလော အတော်ခြေစွာနေတဲ့ အသင်းက သူပါပဲ။ EPL မှာ Man United ကို အဝေးကွင်းမှာ ၀-၃ နဲ့ ဂိုးပြတ် အနိုင်ရခဲ့သလို EFL Carabao Cup round 4 ပွဲစဉ်မှာလည်း Aston Villa ကို ၃-၀ နဲ့ အနိုင်ယူသွားခဲ့ပါတယ်။ Bournemouth တို့ ဒီတပတ်ထဲ ဂိုးတွေ မြူးနေပါတယ်။ Fulham ကို ၀-၁ နဲ့ အနိုင်ယူထားတဲ့ Crystal Palace နဲ့ Brentford ကို ၃-၂ နဲ့ အနိုင်ယူထားခဲ့တဲ့ Sunderland တို့ ကွာတားဖိုင်နယ်မှာ တွေ့ဆုံနေပါတယ်။
Arsenal ကို ပင်နယ်တီ အဆုံးအဖြတ်နဲ့ အနိုင်ရခဲ့တဲ့ Fleetwood အသင်း အနေနဲ့ကတော့ Everton vs New Castle ပွဲစဉ်မှာ အနိုင်ရတဲ့အသင်းနဲ့ ကွာတားဖိုင်နယ် အဆင့်မှာ ယှဉ်ပြိုင်ကစားရမှာ ဖြစ်ပါတယ်။
(photos from EFL Carabao Cup page)