စားချင်စဖွယ်

ဒူးရင်းသီးပုံတွေမြင်တော့ မော်လမြိုင်က အမျိုးတွေကို သတိရမိတယ်

ပထမဆုံးအခေါက် အလည်ရောက်စဉ်က မိုးကလဲချုပ်နေ ဗိုက်ကလဲဆာတော့ ကိုယ်တည်းတဲ့အမျိုးအိမ်ကို ထမင်းဆာတယ်ပြောလိုက်တော့ ခနနေထမင်းခူးကျွေးတာ ထမင်းတပုဂံနဲ့ ဒူးရင်းသီးလာချပေးတယ် ။

သူတို့ တွေ ဟင်းမပါဘဲ ဒူးရင်းသီးကို ထမင်းနဲ့စားကြသလို ကျမကိုလဲ ကျွေးတာပါ ။ ဟင်းမပါဘဲနဲ့ ထမင်းကမစားတတ်တဲ့အကျင့်က ဖြစ်နေပြန်တော့ ကျမအတွက်က ဗိုက်ကလဲဆာနဲ့ အတော်ဒုက္ခဖြစ်နေတာပေါ့ ။

ကျမလဲ ဗိုက်ဆာဆာနဲ့ ဒူးရင်းသီးတွေချည်း ထမင်းနဲ့တွဲမစားဘဲ စားပစ်လိုက်တာပေါ့ ။ အမျိုးတွေက ထိုင်စောင့်နေရင်းနဲ့ ကျမကို ထမင်းနဲ့ဒူးရင်းသီးကို အတင်းစားခိုင်းတာ ကျမလဲသူတို့ ကျေနပ်အောင်ဆ်ိုပြီး စားပြလိုက်ပါတယ် ။ မဆိုးဘူး စားလို့ ကောင်းတယ်ရှင့် ။

ခုဆိုရင် ကျမလဲ မော်လမြိုင်ကအမျိုးတွေလို ဒူးရင်းသီးနဲ့ထမင်းကို တွဲစားတတ်သွားပါပြီ ။ ကြံကြံဖန်ဖန်စားတတ်တယ်လို့  မထင်စေချင်ပါ ။ ဟင်းအစား ဒူးရင်းနဲ့ ထမင်းစားရတာလဲ အရသာတမျိုးပေါ့ ။ အသီးချည်းစားတာက အရသာစစ်ကို စားနိုင်သလို ထမင်းနဲ့တွဲစားတော့လည်း အရသာတမျိုးပေါ့ ။

မော်လမြိုင်အိမ်ကလူတွေပြောပြတာက မိုးတအားရွာလို့  ဈေးမသွားချင် မချက်ချင်ရင် ဒူးရင်းပင်က ဒူးရင်းသီးခူးပြီး ခုလိုဟင်းလုပ်စားလိုက်တယ်လို့ ဆိုပါတယ် ။ စားတတ်သွားတော့လည်း ဟင်းတခွက်အဖြစ် အသုံးချလို့ ရတာပေါ့ရှင် ။

မန်းလေးမှာတော့ ဒူးရင်းသီးဈေးက ကြီးပါတယ် ။ ဈေးသည်များက ဒူးရင်းသီးအလုံးလိုက်ကိုလည်း ရောင်းချသလို ခွဲပြီးလည်း ဒူးရင်းအဆံကိုထုပ်ပြီး ဖော့ဘူးနဲ့
ထည့်ပြီး စားသုံးသူများအဆင်ပြေစေရန် ရောင်းချပေးပါတယ် ။ စားချင်သူစိတ်တိုင်းကျဝယ်ယူရတော့ အဆင်ပြေတာပေါ့ ။

အသားဟင်းမစားချင်တဲ့ဒီညနေအဖို့  ဒူးရင်းသီးနဲ့ထမင်းစားတာ ကောင်းမလားတွေးရင်းနဲ့ မော်လမြိုင်ကအမျိုးတွေကိုပါ တခါထဲသတိရမိတဲ့စိတ်က ဖြစ်လာမိတာ ဝယ်စားမှဖြစ်တော့မှာပါလေ ။ သူငယ်ချင်းတို့ လဲ စားကြည့်ကြပါလားရှင် ။

သတ်သတ်လွတ်ဟင်းတခွက်နဲ့ သတ်သတ်လွတ်စားရာလဲ သဘောသက်ရောက်တော့ ကိုယ့်အတွက်လည်း သူတပါးအသက်ကို မစားတာ တရက်ကုသိုလ်ရတာပေါ့နော် ။