Hello Dosto, Kal main aap ko Sukanya Samriddhi Yojana ke baare me bata raha tha, Agar aap ne meri wo post nahi padhi hai to fir { Iss FD par badh gaya hai byaaj dar } yaha par click kar ke aap iss post ko padh sakte hai. Iss post me maine aap ko kuch chije batayi thi Sukanya Samriddhi Yojana ke baare me aur aaj main aap ko kuch aur chije bataunga. Isliye agar aap ne meri pichli post nahi padhi hai to aap usko padhna na bhule.
Image Source Pexels.com
Aap ko pata hai pahle iss yojana me kewal 8.1% hi interest rate milta tha lekin abhi haal hi me Modi sarkar ne iss ka interest rate badha diya hai ab aap ko iss par 8.5% ka interest rate milega. Matlab 0.4% interest rate badh gaya hai aur isi ke saath ye ek aisa FD ban gaya hai jiss par sab se jyada interest rate milta hai.
Dosto compounding kya hoti hai iss baare me to hum piche bhi kayi baar charcha kar chuke hai. Iss yojana me bhi compounding milti hai iss me har saal aap ko jo interest milega wo investment me add ho kar fir agle saal interest milega. Aap samajh hi gaye honge ki main kahna kya chahta hoon iss par hum pahle bhi charcha kar chuke hai.
Agar aap ki 2 beti hai to aap un dono ke naam par iss par account khulwa sakte hai. Aur koi bhi insaan apni beti ke naam par ye account khulwa sakta hai. Ek aur baat agar aap ki badi beti judwa hai to aap ek aur beti ke naam par iss par account khulwa sakte hai.
