ဒီလိုနဲ့ကိုလှနဲ့မမြတို့နှစ်ယောက် မမြအမေကမမြကိုဆူလိုက် မမြကကိုလှကိုအဆက်ဖြတ်လိုက် ကိုလှအမေကချုပ်ရမယ့်ပုဆိုးလေးယူလာပီး ဘယ်လိုဖြစ်တာလဲသမီးရယ်ဆိုတာနဲ့ မမြတစ်ယောက်စိတ်ပြန်ယိုင်သွားလိုက်နဲ့ မမြနဲ့ကိုလှတို့နှစ်ယောက်ရဲ့ချစ်သူသက်တမ်းကလည်း ရက်မှလ လမှနှစ်သို့ပြောင်းလာခဲ့ပါတယ်။
မမြရဲ့အမေကလည်းမလျှော့ပါဘူး ကိုလှကလွဲပီးဘယ်သူနဲ့ဖြစ်ဖြစ်သဘောတူပါသတဲ့။နောက်ဆုံးတော့ မမြတစ်ယောက်ကိုလှနောက်ကိုလိုက်ပြေးသွားပါတော့တယ်။မမြကသူတို့နှစ်ယောက်ရဲ့အချစ်ဇာတ်လမ်းကိုပြောပြရင်း မောသွားတယ်ထင်ပါရဲ့ ရေတစ်ခွက်ကိုအားရပါးရသောက်နေတုန်း ကိုယ်ကလည်းမမြကိုမေးခွန်းတစ်ခုမေးလိုက်မိပါတယ် "မမြ ကိုလှနောက်ကိုလိုက်သွားတဲ့နေ့တုန်းက ပျော်နေမှာပဲနော် "ဆိုတော့ မမြက" အမလေးအေ မပြောချင်ပါဘူး ကျုပ်မှာမိဘသဘောမတူတဲ့ယောက်ကျားနောက်ကို လိုက်ပြေးလို့ ရင်တထိတ်ထိတ်နဲ့ လန့်နေပါတယ်ဆိုမှ တည်းခိုခန်းမှာနေတဲ့ သုံးရက်စလုံး ဝမ်းတွေသွားလို့ အိမ်သာထဲကကိုမထွက်ရပါဘူးတဲ့" လေ။
ခိုးရာလိုက်ပြေးလို့ တစ်ပတ်လောက်ကြာတော့ မမြတို့နှစ်ယောက်ကိုလှတို့အိမ်ကိုပြန်လာခဲ့ပါတယ်။ကိုလှအမေက မမြအမေဆီကိုရပ်ကွက်လူကြီးတွေခေါ်ပီး သွားကမ်းလှမ်းတဲ့အချိန်မှာ မမြအမေကလက်သင့်မခံပါဘူး။မင်္ဂလာလည်းဆောင်ချင်တဲ့ဆီမှာဆောင်ပါ သူကတော့မလာနိုင်ပါဆိုပီး ပြောလွှတ်လိုက်ပါတယ်။မမြတစ်ယောက်မှာတော့ မျက်ရည်နဲ့မျက်ခွက်ပေါ့။
ကိုလှနဲ့မမြမင်္ဂလာဆောင်မယ့်နေ့မရောက်ခင် အကြိုနေ့မှာတော့ မမြရဲ့အမေကို သူ့အပေါင်းအသင်းတွေနဲ့ဆွေမျိုးတွေက မင်္ဂလာပွဲကိုတော့ သွားလိုက်ပါ နောက်မှမခေါ်ချင်တော့လည်း မခေါ်နဲ့ပေါ့လို့ ဝိုင်းပြောကြပါတယ်။မင်္ဂလာဆောင်မယ့်ရက်မှာတော့ မမြတစ်ယောက် သူရဲ့အမေကိုတွေ့လိုက်ရတဲ့အချိန်မှာ ဝမ်းသာသွားခဲ့မိပါတယ်။
ကိုလှရောမမြမှာပါ အဖေမရှိကြတော့ မင်္ဂလာပွဲမှာ အမေနှစ်ယောက်ရှိနေတာကို ကိုလှရောမမြပါ လိုချင်ခဲ့ကြတာလေ။
မင်္ဂလာပွဲပီးလို့ ငါးလလောက်ကြာတဲ့အချိန်မှာတော့ မမြရဲ့အမေနေမကောင်းလို့ဆိုတဲ့သတင်းကို မမြကြားခဲ့မိပါတယ်။နှားစေးချောင်းဆိုးတောင်မဖြစ်လွယ်တဲ့ အမေအတွက် မမြတစ်ယောက်စိတ်ပူသွားခဲ့မိပါတယ်။မရောက်တာကြာပီဖြစ်တဲ့အမေ့အိမ်ကို ရောက်တဲ့အချိန်မှာတော့ မမြနဲ့သူမရဲ့အမေတို့နှစ်ယောက်သား မျက်ရည်ကိုယ်စီနဲ့ပေါ့။
နောက်ပိုင်းမှာတော့ မမြရဲ့အမေကမမြကိုပြန်လက်ခံခဲ့ပေမယ့် ကိုလှကိုတော့လက်မခံခဲ့ပါဘူး။ဒီလိုနဲ့မမြအမေရဲ့ရောဂါကပိုဆိုးလာခဲ့ပါတယ်။နောက်ဆုံးမှာတော့ မမြအမေရဲ့ရောဂါကိုဆရာဝန်က သားအိမ်ကင်ဆာအဖြစ်နာမည်တပ်ခဲ့ပါတယ်။အသက်ငါးဆယ်တောင်မပြည့်သေးတဲ့ သူမရဲ့အမေအတွက် မမြတစ်ယောက်ဖြေမဆည်နိုင်ပေါ့။
မမြရဲ့အမေရဲ့ရောဂါအတွက် မမြတို့သားအမိနှစ်ယောက် ရန်ကုန်ကိုလာရမယ့်အချိန်မှာ ကိုလှကသူပါလိုက်ခဲ့ရမလားလို့မေးခဲ့ပါတယ်။အသိမိတ်ဆွေမရှိတဲ့ ရန်ကုန်လိုနေရာမျိုးကို သူမတို့သားအမိနှစ်ယောက်တည်းသွားရမယ့်အချိန်မှာ မမြရဲ့အမေလည်းယောက်ျားလေးတစ်ယောက်လောက်ပါလာတော့ အားရှိပေမယ့် မသိချင်ယောင်ဆောင်နေခဲ့ပါတယ်။မမြကတော့ဝမ်းသားအားရနဲ့ ခေါင်းကိုငြိမ့်ခဲ့မိတာပေါ့။
ဒီလိုနဲ့ရန်ကုန်မှာကင်ဆာဆေးသွင်းလိုက် မကွေးကိုပြန်လာလိုက်နဲ့ နှစ်ခေါက်သုံးခေါက်လောက်လုပ်ပီးတဲ့အချိန်မှာတော့ မမြရဲ့အမေတစ်ယောက် သူမကပစ်ပစ်ခါခါဖြစ်ခဲ့ပေမယ့် ရောဂါဖြစ်နေတဲ့သူမအပေါ် လူငယ်တစ်ယောက်က စေတနာအပြည့်နဲ့စောင့်ရှောက်နေတာကို ခံစားမိတဲ့အချိန်မှာ သူမရဲ့လုပ်ရက်တွေအတွက်စိတ်မကောင်းဖြစ်ခဲ့တာပေါ့။သူမရဲ့သားမက်အပေါ်အမြင်တွေကြည်လင်လာတဲ့အချိန်မှာတော့ သူမရဲ့ရောဂါကလည်း တစ်ဖြည်းဖြည်းနဲ့ ပိုဆိုးလာခဲ့သည်ပေါ့။
MSC -230
