မြန်မာမှန်ရင် ရာဇဝင်ကို သိဖို့လိုတယ် ဘုရင့်နောင်သည် အေဒီ ၁၅၆၈ အောက်တိုဘာ ၁၁ ရက်တွင် ဟံသာဝတီနေပြည်တော်မှ စစ်အင်အား ငါးသိန်းလေးသောင်းဖြင့်ဒုတိယအကြိမ် ယိုးဒယားသို့ ချီတက်လေသည်။ နိုင်ငံအနှံမှ စော်ဘွားများ၏ အင်အား များပါ ဖြည့်တင်းထားရာ မြန်မာ့သမိုင်းတွင် အကြီးအကျယ်ဆုံးနှင့် လူအင်အား အများဆုံး အသုံးပြု သော စစ်ပွဲဖြစ်သည်။ ချီတက်ပြီး ပိသလောက်မြို့ သို့ ရောက်လျှင် ပိသလောက်မြို့ စား၏ အားထုတ် မူကို အားရသဖြင့် ရွှေတုံးများ ချီးမြင့်လေသည်။ယိုးဒယားမြို့ သည် ရေများဖြင့် ၀ိုင်းရံထားရာ စစ်ချီရန် အခက်အခဲ ရှိ၏။ထိုအချက်ကို ဘုရင့်နောင်တို့မှ ကောင်းစွာသဘောပေါက်၏။ သို့သော် ဘုရင့်နောင်မှ ယိုးဒယားမြို့ ကို ရှေးရိုးအတိုင်းသာ ၀ိုင်းရံထားမည်။ ဆန်ရေစပါးများကို ကျီဆောက်ကာ သိုလှောင်ထားပြီး အယုဒ္ဓယမြို့ကို ရဲမက်များဖြင့် အထပ်ထပ် ၀ိုင်းရံ ထားစေလေ၏။အယုဒ္ဓယမြို့ ရိုးထက်မြင့်သော အမြှောက်တင်မျှော်စင်ကြီးကိုလည်းဆောက်လုပ်ပြီး မြို့ ကို ၀ိုင်းရံစေကာ မြတပူအမြှောက်ကြီး များတင်ကာ မြို့ တွင်းသို့ ပစ်ရန် ပြင်ဆင်လေသည်။ စစ်ပွဲကို အမြှောက်ကြီးမျာအား တပြိုင်နက် ပစ်စေပြီး စတင်လေ၏။မြတပူကြီးများ အဆက်မပြတ်ပစ်နေစဉ် ခြေလျင် တပ်သားများ သည် အဆက်မပြတ် မြို့ ရိုးထက်သို့ လှေကားများထောင်ကာ တက်လေသည်။အယုဒ္ဓယမြို့တွင်းမှလည်း သေနတ်များ၊အမြှောက်များဖြင့် ပြန်လည် ပစ်ခတ်ရာ ဘုရင့်နောင်၏ ရဲမက်များ၏ ကျရူံးသော အလောင်းများသည် မြို့ ရိုးသမျှ မြင့်လာလေ၏။အယုဒ္ဓယမြို့ရိုးသည် အလွန်ခိုင်ခံရုံသမက မြို့ တွင်းမှ ပစ်ခတ်သော မြတပူအမြှောက်ကြီးများလည်း ပြင်းထန်သဖြင့် အသေအပျောက်များပြီး မြို့ ရိုးပေါ်သို့ မတက်နိုင်ဖြစ်နေလေသည်။ ထိုအခါ ဘုရင့်နောင်မှ တပ်ကို ပြန်လည် ဆုတ်စေလေ၏။ထိုသို့ အထိအခိုက်များသဖြင့် ဘုရင့်နောင်သည် စစ်ထပ်ချီခြင်းမပြုတော့ဘဲ လေးလ တိုင်အောင် ၀ိုင်းရံ နေ၏။ ထိုအခါ အေဒီ ၁၅၆၉ ဧပြီ ၁၆ တွင် ဘုရင့်နောင်ကို ပုန်ကန်သော ယိုးဒယားမင်း CHAKKAR PHAT {1548 -1569} သည် ကွယ်လွန်လေသည်။ ထိုအခါ ယိုးဒယားမင်း၏ သားတော်သည် ဘုရင့်နောင်သည် လက်လျော့မည်သူ မဟုတ် ဟု သိသဖြင့် နန်းတွင်းမှ ယခင်ဘုရင်၏ လူယုံအမတ်ကို ဖမ်းပြီး ဘုရင့်နောင်သို့ စာဖြင့်ပေဖြင့် ပို့လေသည်။"ယခင်ဘုရင်သည် စစ်လိုလားသောအမတ်များ၏ တိုက်တွန်းချက်ကြောင့်သာ စစ်တိုက်ရသည်ဖြစ်သည်၊ အကျွန်ုပ်ဖို့မူကား ဖခမည်းတော်အလိုကို မလွန်ဆန်နိုင်သောကြောင့် သောင်းကျန်းမိ၏၊ ကျွန်တော်တို ဆက်မြဲ လက်ဆောင်ကို ဆက်ပြီး အမူတော်ထမ်းပါမည် "ဟုရေးသားကာ လက်ဆောင်များဖြင့် ပေးပို့လေသည်။ သို့သော် ဘုရင့်နောင်မှ စာကိုဖတ်ပြီးလျှင် ဖမ်းလာသော အမတ်ကို လွှတ်စေပြီး ကောင်းမွန်စွာထားလေသည်။ဘုရင့်နောင်မှ ပြန်စာမရသဖြင့် ယိုးဒယားမင်းလည်း ကြံရာမရဖြစ်ကာ လင်းဇင်းကို စစ်ကူခေါ်လေ၏။ လင်းဇင်းလည်း မနေသာဘဲ စစ်အင်အား သုံးသောင်းကျော်ဖြင့် ချီတက်လာလေသည်။ ထိုသတင်းကို ဘုရင့်နောင်ကြားသိလျှင် ယေးမြို့ စား ကို တပ်မှူးခန့်ပြီး စစ်အင်အား လေးသောင်း ပေးကာ လင်းဇင်းတပ်ကို တိုက်စေလေ၏။
ယေးမြို့ စားလည်း ချီတက်ပြီး နာလဗို့ အရပ်တွင် တပ်တည်ကာ နေလေသည်။ ငါးရက်ခန့် ရှိလျှင် လင်းဇင်းစား၏ တပ်များ ရောက်လာပြီး အပြင်းအထန်တိုက်ကြလေ၏။ ထိုတိုက်ပွဲတွင် ယေးမြို့ စား ကျပြီး ဘုရင့်နောင်၏ တပ်ရူံးလေသည်။ စစ်ကဲမှူးတစ်ဦးမှ စစ်သား ၁၀၀ ကျော်ဖြင့် ဘုရင့်နောင် ရှိရာ သို့ ပြန်ပြေး လာလေသည်။ဘုရင့်နောင်လည်း စစ်ရူံးပြီး ပြေးလာသော စစ်ကဲမှူးကို ကိုယ်လွတ်ရုန်းပြေးလာခြင်း မဟုတ်လော၊ ယေးမြို့ စား တို့ အသက်အသေခံ တိုက်နေစဉ် သင်ကား ကိုယ်လွတ်ရုန်းပြေးခြင်း ဖြစ်သည်၊ နင်မူကား ကျေးဇူးတော် မစောင့်သောကြောင့် မြင်းစီး ပြေးလှာသည်၊ သို့ကြောင်း သားမယားနှင့်တကွ ကွပ်လေ ဟု အမိန့်တော်ချလေသည်။ထိုအခါ သီရိဇေယျကျော်ထင်မှ ဘုရင့်နောင်ကို လျှောက်လေသည်၊ ကျွန်တော် စစ်ကဲမှူး အလွတ်ခွာ ပြေးခြင်းသည် လွတ်ခြင်း ကောင်း၏။ စစ်ကဲမှူးမပြေးလျှင် ၊ တပ်မမှူး နှင့်တကွ စစ်ကဲမှူးကိုပါ လင်းဇင်းစားမှ သုတ်သင်နိုင်လျှင် ကျွန်တော်မျိူးတို့ မျက်နှာထားစရာ မရှိပြီ၊ ထိုသတင်းကို ပြည်ထောင်ချင်း မင်းတကာကို ကြားလျှင်း လင်းဇင်းစား၏ ဘုန်းသတင်းကို ကြီးလိမ့်မည် ယခု စစ်ကဲမှူးမှ ပြေးလာခြင်းကြောင့် မျက်နှာ လှ ချေသည် ဟု နားတော်လျှောက်လေ၏။ထိုနောက် ဘေးမှ စစ်သူကြီးများ၊ တပ်မှူးများမှ ၀ိုင်းဝန်းလျှောက်ထားသဖြင့် ဘုရင့်နောင်လည်း စစ်ကဲမှူးကို လွှတ်လေ၏။ ဘုရင့်နောင်လည်း ချီတက်လာသော လင်းဇင်းစားကို ကိုယ်တော်တိုင် တိုက်မည် ယိုးဒယားကို ရံထားသော တပ်ကို တစ်ဝက်ဖြုတ်ကာ လင်းဇင်းစားကို တိုက်ရန် ပြင်ဆင်လေသည်။လင်းဇင်းမင်း ကိုတိုက်ရန် မှူးမတ်များမှ ပရိယာရ်အကြံပေးကြလေသည်၊ထိုအကြံများထဲတွင် အမတ်မင်း ဗညားဒလ ၏ အကြံကို ဘုရင့်နောင်မှ အလွန်သဘောကျလေ၏။ အကြံမှာ ယိုးဒယားမင်းဘက်မှ ဘုရင့်နောင်ထံ ဓားစာခံအဖြစ် ဆက်သ ထားသော ယိုးဒယားအမတ် ကို လင်းဇင်းမင်းထံစာဖြင့် လွှတ်စေမည်၊ ထိုစာကို ယိုးဒယားဘုရင်မှ ပို့ဟန် ပြုမည်၊ထိုအခါ လင်းဇင်းမင်းမှ ယုံပြီး ရှေ့သို့ ရဲရဲဝံ၀ံ ချီတက်လာမည်၊ထိုအခါ ခံတပ်မဆောက်ရဘဲ မြေပြင်တိုက်ပွဲတွင် ဘုရင့်တပ်နှင့် တွေ့ကာ ဘုရင့်နောင်မှ နိုင်အောင် တိုက်နိုင်မည် စသဖြင့် ဗညားဒလမှ လျှောက်လေ၏။
ဘုရင့်နောင်လည်း ထိုအကြံကို သဘောကျလေ၏။ဘုရင့်နောင်မှ ဗညားဒလအား ယိုးဒယားအမတ်ကို စည်းရုံးသိမ်းသွင်းရန် အမိန့်ပေးလေသည်။ယိုးဒယားမင်းဘက်မှ ဓားစာခံအဖြစ် ဆက်ခံရသော အမတ်လည်း ယိုးဒယားမင်းကို စိတ်နာကြည်းထားသဖြင့် ဗညားဒလ စည်းရုံးသိမ်းသွင်းသောအခါ အမူတော်ကို ထမ်းမည်ဟု သစ္စာခံလေသည်။ ဗညားဒလ၏ အကြံအတိုင်း ယိုးဒယားအမတ်သည် လင်းဇင်းမင်းထံ သွားလေ၏။စာထဲတွင် လင်းဇင်းမင်းအား ယိုးဒယားမြို့တော်ကို အမြန်ချီလာပါ၊ရောက်လျှင် အပြင်မှ တိုက်ပါ၊ ယိုးဒယားမင်းမှ မြို့တံခါးဖွင့်ကာ ချွှန်းဖွင့်ကာတိုက်မည်၊ ထိုအခါ ဘုရင့်နောင်တပ်များ ခံနိုင်မည်မဟုတ်ဟု ယိုးဒယားမင်းက စာစေသည် အဟန်ဖြင့် သွားလေ၏။ လင်းဇင်းမင်းလည်း ထိုစာထက် လာပို့သူမှာ ယိုးဒယားနန်းတွင်းရှိ ရာထူးကြီးအမတ်တဦးဖြစ်သဖြင့် ပိုမိုယုံကြည်ကာ အပြင်းချီတက်လေ၏။ဘုရင့်နောင်လည်း လင်းဇင်းမင်းတိုက်ရန် အိမ်ရှေ့မင်းမသားဦးဆောင်သော တပ်စု၊မိုးကောင်းစော်ဘွား တပ်၊ ညောင်ရွှေစော်ဘွားတပ်၊ အင်းဝမြို့စားတပ်၊ညီတော် တောင်ငူမြို့စားတပ်၊ တို့ကို လင်းဇင်းမင်း ကို တိုက်ရန် အပြင်းချီစေလေ၏။ဘုရင့်နောင်မှာမူ စစ်သည် ငါးသောင်းဖြင့် နောက်တပ်မ ပြုကာ နောက်မှ ဖြည်းဖြည်းချင်း ချီတက်လေ၏။အေဒီ ၁၅၆၉ ဧပြီ ၂၃ တွင် ယိုးဒယားမြို့တော်မှ ခွာကာ လင်းဇင်းကို တိုက်ရန် ချီတက်လေသည်။
အိမ်ရှေ့မင်းသားတပ်၊မိုးကောင်းစော်ဘွားတပ်၊အင်းဝမြို့စားတပ် အစရှိသည့် တာဝန်ကျသော တပ်စုများ သည် လင်းဇင်းမင်းကို လက်ဦးအလျင်အရရန် စိုင်းပြင်းကာ မိမိတို့လက်အောက်သားများကို လင်းဇင်းမင်း ချီတက်လာသည့် လမ်းကို အပြင်းစုံစမ်းကြလေ၏။ နာလဗို့အရပ်တွင် ချီလာသည်ဟု သတင်းရသည့်နှင့် တပ်စုများသည် အပြင်းချီတက်ကြလေသည်။ထိုအခါ အပြင်းချီတက်လာသော တပ်စုနှင့် လင်းဇင်းမင်းတပ်ကို တွေ့ကြရာ လင်းဇင်းမင်းတပ်မှ စိန်ပြောင်းကြီးများဖြင့် စတင်ပစ်ခတ်လေ၏။အင်းဝမြို့စားသည် မိမိတပ်ကို တောဘက်သို့ ကွေ့စေပြီး လင်းဇင်းမင်းတပ်ကို ဘေးမှ ဖောက်ဝင်ကာ တိုက်လေ၏။ လင်းဇင်းမင်းလည်း ရုတ်ရုတ်သဲသဲဖြစ်သဖြင့် အပြင်းပြန်ခုခံလေသည်။ အိမ်ရှေ့မင်း နှင့် တခြား မြို့စားမင်း များလည်းထိုအခြင်းအရာမြင်လျှင် ဆင်ကို ချွန်းဖွင့်ကာ ၀င်တိုက်လေ၏။ဘေးပတ်ပတ်လည်မှ အပြင်းအထန်တိုက်ခြင်းခံရသဖြင့် လင်းဇင်းမင်းမခံနိုင်တော့ဘဲ မိမိ၏တပ်ကို နောက် ဆုတ်ရန် အမိန့်ပေးလေ၏။ လင်းဇင်းမင်းသည် ယခု တပ်ကိုဆုတ်သော်လည်း ဘုရင့်နောင်တပ်များ အမှီ လိုက်လာနိုင်သည်ကို သိသဖြင့် အမတ်တဦးလွှတ်ကာ ဘုရင့်နောင်ထံ စာဆက်လေ၏။ ထိုစာတွင် ဘုရင့်နောင်အား သစ္စာခံမည့်အကြောင်းကို စာဖြင့်ပေဖြင့် လျှောက်ထားသဖြင့် ဘုရင့်နောင်မှ ယုံကာ မိုးလည်း ချုပ်သည့်နှင့် မိမိ၏ တပ်များကို မလိုက်ရန် အမိန့်ပေးလေသည်။လင်းဇင်းမင်းလည်း ဘုရင့်နောင်နှင့်တကွ မြို့စားမင်းများ တပ်ချ နေသည်ကို ကြားသည်နှင့် တညဥ့်လုံး လင်းဇင်းမြို့ရောက်အောင် ပြေးလေ၏။ဘုရင့်နောင်လည်း တပ်တော်ချနေစဉ် သားတော် အိမ်ရှေ့မင်းနှင့် တကွ မြို့စားများကို ခေါ်ကာ လင်းဇင်းမင်းပြေးအောင် မည်သူတိုက်သနည်းဟု မေးလေ၏။ထိုအခါ အိမ်ရှေ့မင်းမှ မိမိတိုက်သဖြင့် ပြေးသည်၊ တခြား မြို့စားများလည်း မိမိတို့ တပ် တိုက်သောကြောင့် ပြေးသည် ဟု အောင်ပွဲကို လုကြလေ၏။ဘုရင့်နောင်လည်း အပြင်းရယ်တော်မူပြီး၊ ဖမ်းမိသော လင်းဇင်းအမတ်များကိုခေါ်ကာ မည်သူ တိုက်၍ အသင်တို့ တပ်ပျက်သနည်း ဟု မေးရာ လင်းဇင်းအမတ်များမှ အသားညိုညို၊ နှင့် ဆင်နီ စီးသော သူမှ ကျွန်တော်တို့ တပ်ကိုလေးစုကွဲအောင် တိုက်သောကြောင့် ပျက်ရသည်ဟု လျှောက်ထားလေ၏။ဘုရင့်နောင်လည်း သားတော်အိမ်ရှေ့မင်းနှင့်တကွ မြို့စားများကို စစ်ဝတ်တန်ဆာများ ၀တ်စေကာ ဆင်စီး စေလျက် လင်းဇင်းအမတ်များရှေ့သို့ တစ်ဦးချင်း ထွက်စေလေသည်။တစ်ဦးချင်းထွက်ရာ အင်းဝမြို့စား အလှည့်အရောက်တွင် လင်းဇင်းအမတ်များသည် တဲကြား၊အုံကြား လျှိုးငုံကာ ပြေးကြလေ၏။ ထိုအခါ ဘုရင့်နောင်မှ သဘောအလွန်ကျကာ ရယ်မောလျက် အမောင်အင်းဝ စား ပွဲပေတည်း ဟု ဆိုပြီး မိမိ၏ ရွှေစားတော်ခွက်၊ ရွှေကွမ်းခွက်၊ လက်ကောက်တော်၊လက်စွပ် နှင့် လင်းဇင်းသား၊သူ အယောက်တစ်ရာ ၊ ဆင်တစ်ဆယ်၊မြင်း နှစ်ဆယ် ချီးမြင့်လေ၏။ သားတော် အိမ်ရှေ့မင်း နှင့် တကွ ကျန်ရှိသော မြို့စားများကိုလည်း တန်ရာတန်ရာ ဆုကို ချီးမြင့်လေသည်။ဘုရင့်နောင်သည် လင်းဇင်းမင်းကို လမ်းခုလတ်မှ တိုက်နိုင်ခဲ့ပြီး ယိုးဒယားမြို့တော်သို့ မလာနိုင်အောင် တားနိုင်ခဲ့လေ၏။ ထိုနောက် အမိန့်တော်အသစ်ထုတ်ကာ စစ်ကဲမှူး အများအပြားခန့်ြ့ပီး ယိုးဒယား မြို့ရင်းသို့ မချဉ်းကပ်သူမှန်သမျှကို ဓားဖြင့် ခုတ်သတ်စေလေ၏။ထို အခြင်းအရာကို ဘုရင့်နောင်၏ ငယ်ပေါင်းဖော်ဖြစ်သည့် ဘယကာမဏိ မြင်လျှင် မိမိတို့ တပ်သားသည် တခါတရံ ပင်ပန်း ခြင်းသို့ ရောက်ကာ အနားယူလိုသည် ၊ ထိုအနားယူသည်ကို လူရမ်းကားကဲ့သို့ မပြုကျင့်သင့်ဟု မြင်ပြီး စစ်ကဲများကို မလုပ်ရန် တားလေ၏။ စစ်ကဲတို့လည်း ဘုရင့်အမိန့်တော်ဖြစ်သည် ဟု မချေမငံ့ ပြန်ဆိုသဖြင့် ဘယကာမဏိမှ ဒေါသထွက်ကာ ဓားထုတ်ပြီး ထိုစစ်ကဲများကို လိုက်ခုတ်လေ၏။
စစ်ကဲတို့လည်း ဘယကာမဏိပြုမူပုံကို ဘုရင့်နောင်ထံ လျှောက်ထားကြလေ၏။ဘုရင့်နောင်လည်း အမျက်တော်ထွက်ပြီး ဘုရင့်အမိန့်တော်ကို ဖီဆန်သူ၊စစ်စည်းကမ်းကို ဖျက်သူမှန်သမျှ ကွပ်မျက်မည်ဟု အမိန့်တော်ချကာ ငယ်ပေါင်းဖော်ဖြစ်သော ဘယကာမဏိကို သေမိန့်ပေးလေ၏။ဘုရင့်နောင်သည် ယိုးဒယားကို အောင်နိုင်ပြီး ဟံသာဝတီသို့ ပြန်သောအခါ မိမိ၏ ငယ်ပေါင်းဖြစ်သော ဘယကာမဏိ ရုပ်တု ထုစေပြီး ရွှေသွင်းကာဟာစေတီတွင် ဌာပနာလျက် ရွှေပေစာဖြင့် မော်ကွန်းတင်ထားလေ၏။ဘုရင့်နောင်၏ အမိန့်ဖြင့် စစ်သားများစွာ အယုဒ္ဒယမြို့ရိုးကို အလုံးအရင်းတက်သော်လည်း ယိုးဒယားဘက်မှ အပြင်းအထန် ခုခံသဖြင့် တပ်သားများ မြို့ရိုးကို မကျော်နိုင်ဘဲ စစ်သည် တစ်သောင်းကျော် ကျဆုံးလေ ၏။ မြို့ရိုးအပြင်ဘက်တွင်လည်းတပ်သားများ၏ အလောင်းကောင်များမှ မြို့ရိုးသမျှကြီးလေသည်။ထိုအခါ ဘုရင့်နောင်မှ စစ်ပွဲအတွင်း ဖမ်းမိထားသော ယိုးဒယားအမတ်တစ်ဦးရှိ၏။ထိုအမတ်ကို အမူတော် ထမ်းအောင် လုပ်နိုင်လျှင် ယိုးဒယားမြို့တော်ကိုအနိုင်ရမည် ဟု သုံးသပ်ပြီး အမတ်ကို စည်းရုံးသိမ်းသွင်း ရန် ဗညားဒလအမတ်ကို တာဝန်ပေးလေသည်။ဗညားဒလလည်း ဖမ်းထားသော အမတ်ကို အကျဉ်းမှ လွှတ်ပြီး ကောင်းကောင်းမွန်မွန်ဖြင့် ၁ ပတ်ခန့် ထားလေ၏။ ၁ ပတ်အတွင်း ညနေတိုင်းလာကာ ထိုအမတ်ကို သွယ်ဝှိက်နည်းဖြင့် စည်းရုံးသိမ်းသွင်းလေသည်။ အမျိုးမျိုး စည်းရုံးသိမ်းသွင်းလေရာ ယိုးဒယားအမတ်လည်း ဘုရင့်နောင်အမူတော်ကို ထမ်းမည်ဟု သစ္စာစကားဆိုလေသည်။ဗညားဒလလည်း ထိုအကြောင်းကို ဘုရင့်နောင်အား လျှောက်လေ၏။ ဘုရင့်နောင်လည်း သဘောကျလျက် ယိုးဒယားအမတ်အား ရှေ့တော်သို့ ၀င်စေပြီး အမူတော် ကို အောင်မြင်စွာ ထမ်းနိုင်လျှင် ပိဿလောက်မြို့ကို အပိုင်ပေးကာ သူကောင်းပြု မည်ဟု မိန့်လေသည်။ယိုးဒယားအမတ်လည်း ဗညားဒလအစိအစဉ်အတိုင်း လှေတစ်စီးဖြင့် ထွက်ပြေးဟန်ပြုကာ အယုဒ္ဒယမြို့ သို့ ၀င်လေသည်။ ယိုးဒယားဘုရင်လည်း အမတ်ပြန်ရောက်ကြောင်း သတင်းကို ကြားလျှင် အလွန်ဝမ်းမြောက်ပြီး အမတ်ကို နန်းတွင်း သို့ ခေါ်ကာ ဘုရင့်နောင်၏ သတင်းကို မေးမြန်းလေသည်။ယိုးဒယားအမတ်လည်း လုပ်ကြံပြီး ပြောဆို လျှောက်တင်လေရာ ဘုရင်မှ သဘောတော်ကျပြီး အယုဒ္ဒယမြို့ ၀န်တော်ချုပ် ခန့်လေ၏။
အမတ်လည်း ဗညားဒလအကြံအတိုင်း မိမိလူယုံများကို မြို့တံခါး စောင့်စေလေ၏။ညဥ့်အချိန်ရောက်သော်အမတ်၏လူယုံများသည် မြို့တံခါးကို ဖွင့်ပေးလေ၏။သို့သော် မြို့တွင်းရှိရဲမက်များ တွေ့သဖြင့် တံခါးကို အလျင်အမြန်ပိတ်ရန် ကြိုးစားသော်လည်း ဘုရင့်နောင်ဘက်မှ အချိန်ကိုက် ဆင်မြင်းများဖြင့် တိုးဖောက် သဖြင့် မြို့တံခါးပွင့်ကာ အယုဒ္ဒယမြို့တော်သည် အေဒီ ၁၅၆၉ ဇူလိုင် ၃၁ တွင် ဘုရင့်နောင်လက်အောက်သို့ ကျရောက်ရလေသည်။ဘုရင့်နောင်၏ ဟံသာဝတီတပ်သည် ယိုးဒယားကို ဒုတိယအကြိမ် အောင်မြင်ပြီး နောက်အေဒီ ၁၅၆၉ စက်တင်ဘာ ၂၉ တွင် ပိဿလောက်မြို့စားကို မင်းမြောက်တန်ဆာငါးပါးဖြင့် ယိုးဒယားဘုရင်အဖြစ် တင်မြှောက်လေ၏။ ပြိုပျက်သွားသော စေတီပုထိုးများကို ပြုပြင်ရန် ရွှေ ၁၃ ပိဿ ကို ယိုးဒယားဘုရင်အသစ် ကို ပေးအပ်လေ၏။မြို့သိမ်းစဉ်က စည်းကမ်းဖောက်သော တပ်သားများကိုလည်း ပြစ်ဒဏ်ပေးလေ၏။ဘုရင့်နောင်သည် အယုဒ္ဒယမြို့ကို အောင်မြင်ပြီးသော်လည်း လင်းဇင်းကို မအောင်သေးသဖြင့် စိတ်မအေးနိုင်သေးဘဲ မိမိ အမတ်များဖြင့် လင်းဇင်းကို အနိုင်တိုက်ရန် အစီအစဉ်များ လုပ်လေသည်။မိမိ၏ တပ်အင်အားကိုလည်း ပြန်လည်ဖြည့်တင်းပြီး ရိက္ခာအလုံအလောက်ဖြည့်လေ၏။ယိုးဒယားမြို့ကို သိမ်းစဉ် ဟံသာဝတီမှ သယ်လာခဲ့သော အမြှောက်ကြီးများ၊ မြတပူကြီး များကို နေပြည်တော်သို့ ပြန်လည် ပို့စေလေ၏။ယိုးဒယားဘုရင်အသစ် လည်း မိမိ၏ သမီးတော် ကို အခြွေအရံ ၁၅ ယောက်ဖြင့် ဘုရင့်နောင်အား ဆက်သလေ၏။အခုလို လာရောက်ဖက်ရှု့ပေးတဲ့အတွက် အထူးပင်ကျေးဇူးတင်ပါသည်။
