Dogecoin to the moon

ကိုယ့်ဟိုဟာသာ ကိုယ်ထု သေလိုက်ချင်တော့တယ်

စာဖတ်သူတို့ရေ Dogecoin စျေးတက်ပုံကတော့ ကြမ်းချက်။ 5 လ အတွင်း 26,000 percent ကျော် တက်သွားတယ်။ Dogecoin စျေး 0.004 USD လောက် ရှိတုန်းက စာရေးသူ Dogecoin 30,000 ကျော် ကိုင်ထားတယ်။ USD 120 ဖိုးလောက်ပဲ ရှိမယ်။ ဖြစ်ချင်တော့ Flare Network က Litecoin ကိုင်ထားသူတွေကို Airdrop ချပေးမယ်လို့ ဖတ်လိုက်ရတယ်။

ဒီတော့ Flare Network Airdrop ကို လိုချင်သည်ဖြစ်စေ မလိုချင်သည်ဖြစ်စေ Litecoin စျေးတော့ တက်မှာပဲဆိုပြီး ကိုယ်မှာရှိတဲ့ Dogecoin တွေကို Litecoin ပြောင်းလိုက်တယ်။ ဖြစ်ချင်တော့ အခု Flare ကလည်း policy ပြောင်းပြီး Airdrop မပေးတော့ဘူးတဲ့။ Litecoin စျေးကလည်း 5 လ အတွင်း 2 ဆ ကျော်ကျော်ပဲ တက်တယ်။ ဒီအချိန်မှာ Dogecoin က အဆပေါင်း 450 ကျော် တက်သွားတယ်ဗျာ။

မလွန်လွန်းဘူးလား။ လွန်ခဲ့တဲ့ 5 လ လောက်တုန်းက ကိုင်ထားတဲ့ Dogecoin 30,000 ကျော်ကိုသာ ဒီအတိုင်း ဆက်ကိုင်ထားရင် 30,000 × Doge ပေါက်စျေး 0.66 USD = 19800 USD မြန်မာငွေနဲ့ဆို 1550 နဲ့မြှောက် သိန်း 300 ကျော် ရှိမယ်။ မြန်မာငွေ တစ်သိန်းခွဲကျော်ကျော်ရင်းပြီး 5 လအတွင်း သိန်း 300 မြတ်တဲ့အလုပ် ဘယ်မှာ ရှိမလဲ။ သဂေါင့်သား Dogecoin က ဘာလို့ 5 လအတွင်း အဆ 450 ကျော် တက်သွားလဲတော့မသိ။ ကိုယ်ကတော့ ရောင်းလိုက်မိတဲ့ Dogecoin 30,000 ကျော် အခု ပြန်လည်း မဝယ်နိုင်တော့။

အွန်လိုင်းပေါ်မှာ Dogecoin က 1 Doge ကို 5 USD အထိ တက်မယ်လို့ ပြောသူက ပြောနေသည်။ အဲဒါ လည်း မယုံချင်သေးဘူး။ ဘယ်ယုံမလည်း Dogecoin က unlimited supply အကန့်အသတ်မရှိ ထွက်နေတာ။ စဥ်းစားကြည့်လေ Litecoin 84 သန်း အထိပဲရှိနိုင်တယ်။ ဒီလို မယုံရင်း မယုံရင်းနဲ့ပဲ သိန်း 300 ကျော် ဆုံးရှုံးသွားတယ်။ ခုထိလည်း မယုံပါဘူး။ အရင်က 1 USD ပေးဝယ်ရင် 450 Doge လောက် ရခဲ့တာ။ အခု 1 USD ပေးဝယ်ရင် 1 Doge ခွဲပဲ ရတော့မယ်။ မတန်ဘူး။ မဝယ်ပါဘူး။ မင်းဘာသာ စျေးတက်ချင်သလောက် တက်စမ်း။

ကျွန်​တော့်တွင် ထို Doge 30,000 ​ကျော် ယခုအချိန်ထိ ရှိ​နေပါကလည်း မြန်မာ​ငွေ ဘယ်လို ထုတ်ရမယ် မသိ​ပေ။ မြန်မာနိုင်ငံတွင် crypto exchange များ ​ပေါ်လာသည်အထိ ​စောင့်လျှင် Doge ​စျေးက 0.004 အထိ ပြန်ကျသွားမလား မ​ပြောတတ်​ပေ။

ထူးစမ်းပါပေ့ crypto လောကကြီးရယ်။

ကိုယ့်ဟိုဟာသာ ကိုယ်ထု သေလိုက်ချင်တယ်။