經過兩星期休息之後,我阿頭終於返得工啦,不過佢要係另一個office隔離14日,所以其實都係見唔到既,不過佢返左黎我都定啲,因為有啲野可以比返佢自己處理.我而家專心救火
日前說要取消訂單那裡有新進展,好似冇成張取消,但都取消左2/3數量了,唯有安慰老闆,總好過成張冇晒
今日天色唔係咁好,唔打算出去食,但今朝同老細傾點救火傾到過晒鐘,冇叫同事幫手叫外賣,好在都仲有人會落去買老麥,咁我就搭單叫佢地幫手買啦.不過每逢落雨,老麥一定勁多人,今日都唔例外.佢地由排隊落單,拎餐返到公司,足足用左35分鐘,真係唔簡單...好在唔使自己排隊姐,炸炸林食完野,繼續下半場救火.
呢單野真係玩死人,為左救呢個客啲貨期,搞到成間廠啲單要重新排期,真係大工程,不過而家都只係救左之前接落個啲單...新單都未排,都唔知點死出黎...結果搞左成日,都只係死得掂之前接落個啲單既期...加單個啲...聽日再算...呢排為左呢單野搞到我頭暈...
放工走人返去,沖完個涼就即係食飯,本來我都覺得今晚既飯菜都OK架啦,但點知我老婆一野隊佢今晚啲食飯相過黎,我即使覺得佢個啲正好多囉...冇計,佢又出左差去長沙,啲同事招呼佢,一定有好野食.
聽日又星期五,捱多一日,再抖一抖,呢排過度消耗腦能量,就黎頂唔順,星期六要好好休息
