呢排我發現自己淨係一直忙一直忙但又唔知忙乜春架喎,反正就覺得有壓力,成個人都唔係好正常啦 (雖然平時都癲癲地), 經過weekend抖左兩日之後,衰衰地都叫同自己叉左電,今日應該有精神開工既.本來以為今日又係一場惡戰,所以又早左起身出門,諗住食完野早啲返公司啦.
咦咦,今日返到去有驚起喎,第一,今朝一開電腦冇見到客人email追殺,有啲本來要遲既單佢地都改左機accept新貨期.然後工廠肯定食錯藥,有部份貨提前完成左,哇,呢個moment簡直係本年難得一見.所以今朝我開開心心渡過左一個上午.
差唔多夠鐘食飯個陣,同事問我今日有冇特別野想食,睇佢個款應該係食個一兩間食左半年,而家食到怕左.咁我就介紹我平時去食開薯條個間餐廳仔比佢地囉.不過呢我就冇menu係手,只能夠show平時食飯既相比佢地睇,咁佢地話啱食,我咪出去幫佢地買囉.因為個鋪仔只有兩個人,所以唔使諗,係冇外賣上門架.一定自取.
頂佢個肺,今日落樓又係冇拎遮,但個天又陰陰地想落雨咁,搞到我又要急急腳去,買完野又急急腳返,真係好在行得快,返到去樓下真係落雨啦.唔係既話肯定濕鳩晒.
同事話離遠已經聞到份野超香喎,梗係啦,我介紹得既唔會太衰既,同事兩公婆就叫左牛+意粉/牛+薯菜, 我就叫左雞+薯條.食完飯抖一陣,去其他地方掠下水,就到聖誕啦嘛,唔理今年通唔通關都好,都要準備銀彈買禮物比我老婆架嘛,嘿嘿
