ဒီနေ့ အပျော်လေးပေါ့။ ပီတိတွေဖြာလို့ပါပဲ။ ပန်းလေး ဘေးအိမ်ကပန်ဖို့ဆိုပြီး လာပေးလေတော့ ပျော်တာပေါ့နော်။ကိုယ့်ရပ် ကိုယ့်ရွာ မဟုတ်လို့ မပျော်ပေမဲ့ ပျော်အောင်နေတာပေါ့လေ။ မန့ကမှ လမ်းမှာ ပိတောက်ပန်း တွေဝေနေအောင်ပန်လို့ ကြည့်ပီးပဲ အားကျနေမိပါရဲ့။ခု ပုံလေးကဘေးအိမ်က လာပေးတဲ့ ပိတောက်လေး။ ပျော်လိုက်တာလေ။
ကျွန်မ မိန်းကလေးမို့ ပန်းကြိုက်လို့လား မသိပါဘူးလေ။ ပန်းရရင်ကို ပျော်တာပါပဲ။ ခုလို ပိတောက်တွေပွင့်ချိန်ဆို အညာမြေမှာ ရှိတဲ့ ပိတောက်ပန်းပွင့်ချိန်ဆို ခူးယူပေးနေကြ အဒေါ် နဲ့လေးလေး နှစ်ယောက်ကို သတိမိပါရဲ့။ ခုချိန်ဆို အဒေါ်တို့အိမ်မှာ ပိတောက်တွေ လိူင်လိူင်ပွင့်နေမှာ တွေးမိပါရဲ့။ ခူးပီး လာပို့အုံးမှယလည်း မြင်ယောင်မိသေးတယ်။ ပိတောက်ပန်းဆို ကြိုက်တဲ့အခက်ကို မရမက ခူးနေတာတွေ့တော့ လေးလေး အမျိုးသားက ဖယ်ဖယ်ဆိုပြီး အခိုင်လိုက် ခူးပေးလို့ လည်း ပျော်ရသေးတယ်။ ဒါကတော့ အရင်နှစ်က ခူးပေးတဲ့ ပုံလေးပြန်ရှာတော့တွေ့မိလို့။
ဘာပဲ ဖြစ်ဖြစ် အညာမြေကိုပဲ သတိရမိတယ်နော်။ ကျွန်မချစ်တဲ့အညာမှာ မြေကြီးက ရွှေသီးပီး အားလုံးလည်း စိုက်ပျိုးလို့ရတာပေါ့လေ။ ပန်းတွေဆိုလည်း ဝေဆာနေပီး သစ်ပင်တွေလည်း စိမ်းလန်းလို့ပါပဲ။ ဒီမှာတော့ ပိတောက်ပင်ကရှားပီတော့ ဘယ်နားမှာလဲ မသိ။ ခုလို ပိတောက်ပန်းလေး ပန်ရတော့လည်းကျေနပ်နေမိ။ အညာမှာ စိမ်းလန်းစိုပြေနေပေမဲ့ မရတာက မီးဖျက်ထားတာရယ် လိုင်းဖျက်ထားတာရယ်ပါပဲ။ ဒီမှာတော့ Online နဲ့ပတ်သတ်သမျှ အလုပ်လုပ်လို့ရတယ်။အညာမှာတော့ Onlineမရ မီးမရပါလေ။ အဲ့တစ်ချက်နဲ့အချို့အတွေကလွဲရင် အညာမြေက သတိရလွမ်းလို့ကောင်းတဲ့မြေ ပါလေ။ခေတ်ကောင်းလို့ အညာမြေမှာ လိုင်းတွေရရင် သဘာဝအလှတွေ တင်ပြပါရစေလေ။