ဖိနပ်ကလေးတစ်ရံ

ကျွန်တော်ငယ်ငယ်က အမှတ်ရဆုံး တကယ့်အဖြစ်အပျက်ကလေးပေါ့ဗျာ။ကျွန်တော်တို့ကမောင်နှလေးယောက် ကျွန်တော်က အကြီးဆုံးပေါ့ဗျာ။ကျွန်တော်ငယ်ငယ်က ဘာကိုသဘောကျမိလဲဆိုတော့ ဖိနပ်လှလှလေးတွေ ကတ္တီပါဖိနပ်လှလှလေးတွေ ကွင်းထိုးဖိနပ်ကိုမှ အရုပ်လေးတွေ ကြိုးသိုင်းကို မှ ကာတွန်းရုပ်လေးတွေကျွန်တော်အရမ်းစီးချင်ခဲ့တာ။

သူများတွေစီးရင်လဲ ကျွန်တော်အရမ်းသဘောကျပြီးလိုက်ငေးရတာအမော ဖိနပ်လှလှလေးတွေစီးထားရင် ခြေထောက်လေးပါသန့်ပြီး လှနေသလိုခံစားရတယ်။ သူများမိဘတွေက ပိုက်ဆံတတ်နိုင်တော့ ဝယ်ပေးနိုင်ကျတယ်။ ကျွန်တော့်မိဘကတော့ ပိုက်ဆံမတတ်နိုင်ဘူးထင်ပါရဲ့။

သူများတွေဖိနပ်လှလှလေးစီးထားတာမြင်တိုင်း ကျွန်တော်ခြေထောက်မှာစီးထားတဲ့ သရေဖိနပ်အပြာရောင် ခပ်ညစ်ညစ်လေးကို ကိုငုံ့ကြည့်ပြီး စိတ်ထဲကလဲဆုတောင်းမိတယ် မြင်းကြယ် လို့ခေါတဲ့ ကြက်ပေါင် ဖိနပ်အစုတ်လေး မြန်မြန်ပြတ်ပါစေလို့။ ပြတ်စေချင်လို့လားမသိဘူး အာ့ဖိနပ်ကပဲအကြောတင်းလားမသိဘူး ပြတ်ကိုမပြတ်နိုင်ဘူး။

တစ်နေ့ကျွန်တော်ကစားနေရင်း ကျွန်တော်ဆုတောင်းပြည့်ပြီလေ။စိန်ပြေးလိုက်တမ်းကစားရင် ဖိနပ်ပြတ်သွားခဲ့တယ်။ကျွန်တော်ဖိနပ်အသစ်ရပြီဆိုပြီးထခုန်မိမတက်ပဲ။ဘယ်ရမလဲ ကျွန်တော်ဖိနပ်အပြတ် လေးကိုလက်ကကိုင်ပြီးအမေ့ဆီကိုပြေးပြီလေ။ " အမေရေ သားဖိနပ်ပြတ်သွားပြီ သားကိုဖိနပ်လှလှလေး ဝယ်ပေးပါ"ဆိုပြီး အော်ပြီးဂျီကျလေပြီ။

နောက်တစ်နေ့မနက်ရောက်တော့ အမေဈေးကပြန်လာလေပြီ။ ကျွန်တော့်ကို " သားလေးရော့ မင်းအတွက် ဖိနပ်လှလှလေးတဲ့" ကျွန်တော်ပျော်ပြီးသွားကြည့်လိုက်တော့ " မြင်းကြယ်ဖိနပ် အနီရောင်တောက်တောက်လေး" ကျွန်တော်အော်ငိုချင်သွားပြီ။စိတ်ကူးနဲ့ကတစ်ခြားစီလေ။ " အမေကျွန်တော် လိုချင်တာသူများတွေစီးသလိုကတ္တီပါဖိနပ် လှလှလေးလေ" လို့ပြောတော့ အမေက " သားရယ် အမေဝယ်လာတဲ့ ဖိနပ်လေးက ဘယ်လောက်လှသလဲ အနီရောင်လေး ရေချိုးတိုင်း ဖိနပ်လေးကိုဆေးပြီးစီး အသစ်တိုင်းပဲတဲ့" ကျွန်တော်ဘာမှ ပြန်မပြောတော့ပါ။ ကျွန်တော့် ခေါင်းထဲတွင် ဒီဖိနပ် ဘယ်လိုပြတ်မလဲပဲ စဉ်းစားသည်။

ဟော ကျွန်တော်အကြံရပြီ။ အမေမသိခင် ဖိနပ် သဲကြိုးကိုဓါးဖြင့် ဖြေးဖြေးချင်း လှီးပြစ်လိုက်သည်။ဖိနပ်ပြတ်သွားပြီ။အမေ့ဆီသို့ဖိနပ်ကိုင်ကာ ကျွန်တော်သွားသည်။ "အမေဖိနပ် ပြတ်သွားပြီ" အမေကလဲဘာမှပြန်မပြောပါ။ ညရောက်တော့ ကျွန်တော်ဖိနပ်အသစ်လေးရပြီဟု အတွေးဖြင့်အိပ်ပျော် သွားသည်။အိမ်မက်ထဲတွင် ကျွန်တော် ကတ္တီပါဖိနပ်အသစ်ကလေးစီးပြီး ကျောင်းသို့သွားသည်။ ခြေထောက်တွေ လေပေါ်သို့မြှောက်နေသည်။မနက် ကျောင်းသွားတော့ အမေကဖိနပ်ကလေး ချပေးသည်။ကျွန်တော် ပိုလို့ပင်ငိုချင်သွားသည်။
အကြောင်းက " မနေ့ကကျွန်တော် ဓါးဖြင့်လှီးလိုက်သော သဲကြိုးကို အမေကသံကြိုးဖြင့် သေချာပြန်ချုပ်ပေးထားသည်"။ကျွန်တော် အကြီးအကျယ်နောင်တရလေပြီ။ "မနေ့ကဓါးဖြင့်မလှီးခဲ့ မိရင်အသစ်ကလေးစီးရအုံးမယ်။ အခုတော့ သံကြိုးဖြင့် ပြန်ချုပ်ထားတဲ့ဖိနပ်အသစ်စက်စက်ကလေးစီးရပြီ"။ကျွန်တော့်ခြေထောက်ကို ငုံ့ကြည့်မိတိုင်း ကျွန်တော် နောင်တရလေသည်။