တပေါင်းလပြည့် အကြောင်း သိကောင်းစရာ
တပေါင်းလဟာ မြန်မာ့ဆယ်နှစ်လရာသီရဲ့ နောက်ဆုံးလဖြစ်ပါတယ်။
ဒါကြောင့် တပေါင်းလရဲ့ နေ့ထူးနေ့မြတ်ဖြစ်တဲ့ တပေါင်းလပြည့်နေ့အကြောင်း တင်ပြပေးချင်ပါတယ်။ တပေါင်းလပြည့်နေ့ကို ပြည်တော်ပြန်နေ့လို့လည်း ခေါ်ဆိုကြပါတယ်။ ရာဇဂြိုလ်ပြည်၊ ဝေဠုဝန်ကျောင်းတော်မှာ ဘုရားရှင်သီတင်းသုံးနေ့စဉ် အခါက အင်္ဂတိုင်းနဲ့ မဂဓတိုင်းသားတွေကို အမြိုက်တရားဟောကြားတော်မူပါတယ်။ အဲဒီအကြောင်းကို ကြားသိတဲ့ ခမည်းတော် သုဒ္ဒေါဒနမင်းကြီးဟာ ဘုရားရှင်ကို ပင့်ဆောင်ဖို့ အမတ် ၁ဝ ဦးကို ဦးဆောင်စေပြီး ရာဇဂြိုလ်ပြည်ကို စေလွှတ်ခဲ့ပါတယ်။ ဒါပေမယ့် ပင့်ဆောင်ဖို့ သွားတဲ့ အဖွဲ့ တစ်ဖွဲ့ မျှ ကပိလဝတ်တိုင်းကို ပြန်လည်မရောက်လာကြပေ။ အကြောင်းကတော့ ဘုရားရှင်ရဲ့ တရားတော်မြတ်ကို နာကြားပြီး ရဟန္တာအရှင်မြတ်တွေ ဖြစ်တော်မူသွားကြတာကြောင့်ဖြစ်ပါတယ်။ အဲဒီနောက်မှာတော့ အမတ်ကြီးကာဠုဒါယီကနေ ရဟန္တာဖြစ်သွားတဲ့ ကာဠုဒါယီမထေရ်က တပေါင်းလရဲ့ သာယာကြည်နူးဖွယ်ကောင်းပုံကို ဂါထာနဲ့ သီကုံးဖွဲ့ဆိုကာ ကပိလဝတ်ကို ပြန်လည်ကြွမြန်းဖို့ လျှောက်တင်ခဲ့ပါတယ်။ အဲဒီလျှောက်ထားချက်ကြောင့် ဘုရားရှင်ဟာ ရဟန္တာပေါင်း နှစ်သောင်း ခြံရံပြီး ဇာတိမြေကို ကြွချီတော်မူခဲ့ပါတယ်။ အဲဒီနေ့ကား တပေါင်းလပြည့်ကျော် ၁ ရက်နေ့ဖြစ်ပါတယ်။ ရာဇဂြိုလ်ကနေ ကပိလဝတ်ကို ရက်ပေါင်း ၆ဝ ကြာ ကြွချီခဲ့ရတယ်လို့ ဆိုပါတယ်။ ဘုရှားရှင်ဟာ ကပိလဝတ်ပြည်ကို ပြန်လည်ရောက်ရှိပြီးနောက် မဟာဓမ္မပါလဇာတ်တော်ကို ဟောကြားခဲ့ပြီး အဲဒီနောက်မှာ ခမည်းတော် သုဒ္ဒေါဒနမင်းကြီးက အရိယာဘောင် ဝင်တော်မူခဲ့ပါတယ်။ မိထွေးတော်ဂေါတမီကလည်း သောတာပန်တည်ရုံမက ဘိက္ခုနီသာသနာထူထောင်ခွင့်ရခဲ့ပါတယ်။ တစ်ဖန် သားတော်ရာဟုလာ အမွေတောင်းမှုကနေ ရှင်သာမဏေအဖြစ် ရောက်ခဲ့ပါတယ်။ ဒါကြောင့် ဒီလို ကြည်ညိုဖွယ်ဖြစ်ရပ်တွေ ဖြစ်ပေါ်စေခဲ့တဲ့အတွက် တပေါင်းလပြည့်နေ့ကို ပြည်တော်ပြန်နေ့အဖြစ် သတ်မှတ်ပြီး ဗုဒ္ဓဘာသာဝင်တို့က အထိမ်းအမှတ်ကုသိုလ်ပွဲတွေ ဒီကနေ့ အထိ ပြုလုပ်ကျင်းပနေကြဆဲဖြစ်ပါတယ်။