အာလူး မျှစ်စပ်​ကြော်

Hive Myanmar မိသားစုအားလုံး မင်္ဂလာပါ။ အားလုံး ကျန်းမာကြရဲ့လား။ ကျွန်မလည်း ကျန်းမာ​ရေး ​ကောင်းမွန်ပါတယ်။

ဒီက​နေ့မှာ​တော့ ကျွန်မက အာလူးနဲ့ မျှစ်ကို ငရုတ်သီးစပ်စပ်​လေးနဲ့ ကြော်နည်း​လေးကို မျှ​ဝေသွားပါမယ်။

အရင်ဆုံး အာလူး​လေး​တွေကို အခွံ့သင်ပြီး အ​နေ​တော် တုံးထားပါမယ်။ မျှစ်​လေး​တွေကို အမျှင်​သေး​​လေး​တွေ ဖြစ်​အောင် ခြစ်ထားပါမယ်။

ကြက်သွန် အဖြူအနီကို ​ထောင်းထားပါမယ်။ ငရုတ်သီး အကြမ်းမှုန့်ကို အသင့် ပြုလုပ်ထားပါမယ်။

ဆီပူလာပြီဆိုတာနဲ့ ထောင်းထားတဲ့ ကြက်သွန်နီ ကြက်သွန်ဖြူကို ဆီသတ်ပါမယ်။ အ​ရောင်​လေး ရဲလာတာနဲ့ ငရုတ်ကြမ်းမှုန့်ထည့်ပါမယ်။

ပြီးရင်​တော့ အာလူးထည့်ပါမယ်။ အာလူးနူးလာ​အောင် ​ရေအနည်းငယ် ထည့်ပါမယ်။

အာလူးနူးလာပြီဆိုရင်​တော့ မျှစ်ထည့်ပါမယ်။ ​ရေ​တွေကုန်ပြီး ဆီပြန်လာသည်အထိ ​ကြော်ပါမယ်။

​အေးမြတဲ့ ရာသီ​လေးနဲ့ လိုက်ဖက်တဲ့ ဟင်းတစ်ခွက်ဖြစ်တာမို့ မိသားစုနဲ့ အတူ ထမင်းစားမြိန်ပါ​ကြစေ။ အဆုံးထိဖတ်ရှု​ပေးတဲ့အတွက် ​ကျေးဇူးတင်ပါတယ်။