لو انت زهقت من ان متصفح
Google Chrome
بياكل الرامات بتاعتك، ولو اتخنقت من البطئ الشديد لمتصفح
Firefox
ومش عاجبك
Opera Neon
عشان بيخلى جهازك بيطلع صوت شبه صوت الغسالة
انصحك فعلًا تدى فرصة لمتصفح
Brave
، الحقيقة انا كنت دايمًا بكسل عشان خلاص متعود على كروم بس من اسبوعين كروم هنّج وضيعلى مقال كنت بكتبه فقررت انه خلاص لازم انقل فعلًا ونزلت برايف وكانت احسن حاجة عملتها لنفسي وللجهاز بتاعى، خفيف وظريف وبيحمي بياناتك وبيحميك شخصيًا ومبيخليش فيسبوك وجوجل يعرفوا يراقبوك وانت على المواقع التانية فبالتالى مش كل ما هتعمل بحث عن حاجة هتلاقيلها اعلان على فيسبوك وكده.
ونظرًا انه بيمسح اكواد المراقبة من كل المواقع اللى بتدخل عليها ومبيحملهاش اصلًا بتلاقى الانترنت بشكل عام بقى اسرع وبيوفر عليك تحميل مئات الميجابايتس اللى انت بتحملهم بس وبتدفع تمنهم عشان فيسبوك وجوجل يعرفوا يراقبوك.
المتصفح مدمج فيه مانع اعلانات وبيشفر كل اتصالاتك اتوماتيك وفيه شوية مزايا تانية للناس اللى بتستخدم عملات مشفرة بس ما علينا يعني منها.
رابط التحميل للى عايز يجربه فى اول كومنت
