صباح الخير، ادعو اصدقائى والناس اللى منوراني على البروفايل انهم يتابعوني على حسابى على موقع ستيميت.
موقع ستيميت هو فى تقدير اعظم شبكة تواصل اجتماعى موجودة على الانترنت، الموقع كله مبني على تكنولوجيا البلوك تشاين اللى بتضمن امنك وخصوصيتك عكس فيسبوك اللى بيتجسس عليك عشان الاعلانات، الموقع مفتوح المصدر وعارفين كل كود فيه بيعمل ايه مش الخوارزميات بتاعته بتستعملنا كفئران تجارب من ورانا.
طبعًا انت هتقولى برمجيات حرة ايه وانتهاك خصوصية ايه الكلام ده مبيأكلش عيش فانا هرد عليك واقولك
موقع ستيميت بيوزع عملة مشفرة هو الموقع مبني عليها شبه البتكوين اسمها ستيم سعرها حاليًا دولار ونص، بتاخد الفلوس دى كمكافأة كل ماتكتب محتوى يتقرا اكتر واكتر ، مش بس كده انت كمان لو بتقرا بوست عند حد وكتبت تعليق والتعليق اخد تفاعل بتاخد برضه فلوس وطبعًا لأنها عملات مشفرة ممكن تسحب ان شالله نص دولار :D ولو عملت فلوس على الموقع وعايز تبدلها تبقي تجيلي انبوكس هشرحلك تبدلها ازاي او هشتريها منك :D
للاسف الشديد هو مفيش ناس عرب كتير على الموقع وانا على الموقع من بتاع شهر كده وقررت اني هبدأ كتابة عليه بالعربى وهنزل كل بوستاتي الطويلة اللى بكتبها هنا هناك وهحطلها دايمًا رابط هنا تمهيدًا اني يومًا ما ربنا يتوب علينا من المكان البائس اللى اسمه فيسبوك ده :D
