သာမာဝတီမိဖုရား
ကဲ၊ နောက်တစ်ခုကိုကြည့်ဦး။
သံသရာခရီး သွားနေတဲ့အချိန်မှာ အမှားအယွင်းတွေ
လုပ်မိတာ သာမာဝတီ။
ဥတေနမင်းကြီးရဲ့ မိဖုရား “သာမာဝတီ”
ဆိုတာရှိတယ်။
ကောသမ္ဗီပြည်က ဥတေနမင်းကြီးမှာ
သာမာဝတီဆိုတဲ့ မိဖုရားရယ်၊
ဝါသုလဒတ္တာဆိုတဲ့ မိဖုရားရယ်၊
မာဂဏ္ဍီဆိုတဲ့ မိဖုရားရယ်၊ မိဖုရား(၃)ဦးရှိတယ်။
အဲဒီထဲမယ် သာမာဝတီဆိုတဲ့ မိဖုရားဟာ
နန်းပြသာဒ်ကြီးတစ်ခုလုံး မီးလောင်ပြီး အခြံအရံ
(၅၀ဝ)နှင့်အတူတကွ သေဆုံးသွားတယ်။
ခုခေတ်လို ပြောမယ်ဆိုရင်
ဒါ အသေဆိုးနဲ့သေသွားတယ်ပေါ့။
သူတို့နေတဲ့ စံနန်းဟာ မီးလောင်ကျွမ်းသွားတယ်။
လူ(၅၀ဝ) မီးလောင်လို့ သေသွားတယ်ဆိုတာ
နည်းတာမှ မဟုတ်ဘဲနော်။
တစ်ယောက်တစ်လေ သေတာ မဟုတ်ဘူး။
အိမ်မီးလောင်တာနဲ့ တစ်ခါတည်း
သာမာဝတီ အမှူးရှိတဲ့ မိဖုရား(၅၀ဝ)လုံးဟာ
မီးလောင်ပြီး သေဆုံးသွားကြရတာ။
အဲဒီလို မီးလောင်ပြီး ဘာကြောင့်သေရတာတုန်း။
မျက်မြင်အားဖြင့် ပြောမယ်ဆိုရင် မကောင်းကြံတဲ့
“မာဂဏ္ဍီမိဖုရား” က မီးရှို့လို့ မီးလောင်ခံရတယ်။
အပြင်မှာတော့ အဲဒီလိုပဲ မြင်ကြရမယ်ပေါ့။
သို့သော် မဟုတ်ဘူး။
သာမာဝတီမိဖုရား မီးလောင်လို့သေရတာ
သံသရာခရီးသွားတဲ့အချိန် သူ အမှားတစ်ခု လုပ်ခဲ့တယ်။
ဘာတွေလုပ်မိတုန်းဆိုတော့ ဒီလိုပါ။
ဘဝတစ်ခုမှာ သူက ဘုရင်ရဲ့ မိဖုရားတစ်ဦးပဲ။
ရံရွေတော်နဲ့အတူ မြစ်ဆိပ်ကိုဆင်းပြီး၊
ရေချိုးလေ့ ရှိတယ်ပေါ့နော်။
အဲဒီလို မြစ်ဆိပ်ကိုဆင်းပြီး ရေချိုးတဲ့
အချိန် ဘုရင့်နန်းတော်ကို နေ့စဉ်
ဆွမ်းခံကြွလေ့ရှိတဲ့ ပစ္စေကဗုဒ္ဓါ(၈)ပါးရှိတယ်။
အဲဒီနေ့မှာ ပစ္စေကဗုဒ္ဓါ(၇)ပါးကတော့ ဂန္ဓမာဒနတောင်ကို
ပြန်ကြွသွားတယ်။တစ်ပါးကတော့ အဲဒီမြစ်ကမ်းနားက
ချုံပုတ်တစ်ခု အောက်မှာထိုင်ပြီး သမာပတ်ဝင်စားနေတယ်။
လူမမြင်၊သူမမြင် ချုံအောက်မှာထိုင်ပြီး
သမာပတ်ဝင်စားနေတယ်။
အဲဒီအချိန်မှာ သာမာဝတီအလောင်းဖြစ်တဲ့
မိဖုရားနဲ့ မောင်းမမိဿံ(၅၀ဝ)တို့ ရေချိုးကြတယ်။
အားရပါးရ ရေချိုးပြီး ချမ်းတဲ့အခါ ဘာလုပ်ချင်တုန်း
ဆိုရင် မီးလှုံချင်တာပေါ့။ မီးလှုံချင်တော့ ခုနက
ပစ္စေကဗုဒ္ဓါ ထိုင်နေတဲ့ ချုံပုတ်ဆီသွားကြတယ်။
ပစ္စေကဗုဒ္ဓါထိုင်နေမှန်း မသိဘူး။
မီးလှုံလို့ရမှာပဲဆိုပြီး ချုံပုတ်ကြီးကို
မီးတိုက်လိုက်ကြတယ်။
ချုံပုတ်ကြီး မီးတိုက်လိုက်လို့မီးတွေလောင် ပြာကျသွားတယ်။
ပစ္စေကဗုဒ္ဓါကတော့ “နိရောဓသမာပတ်”
ဝင်စားနေတာဆိုတော့ ဘာမှမဖြစ်ဘူး။
သမာဓိ စွမ်းအားကြောင့် ပစ္စေကဗုဒ္ဓါကို မီး
မလောင်ဘူး။ သို့သော် ချုံပုတ်ကြီး မီးလောင်သွားတဲ့
အခါ ကိုယ်တော်ကြီးက ငုတ်တုတ်ပေါ်လာတယ်။
“ဟော့တော့ ဒို့အိမ် ဆွမ်းခံကြွတဲ့ ပစ္စေကဗုဒ္ဓါကြီးပဲ၊
ဘုရင်ကြီးသိရင် ဒို့ကိုသတ်တော့မှာပဲ”။
သူတို့စိတ်ထဲမှာ ပစ္စေကဗုဒ္ဓါ မီးလောင်သေသွားပြီလို့
ထင်တာပေါ့။အစက မသိလို့ မီးရှို့မိတာ။
ဒါက အကုသိုလ် မဖြစ်ဘူး။
သူတို့ရဲ့ ရည်ရွယ်ချက်က ဘာတုန်းဆိုတော့
မီးလှုံချင်လို့ ချုံကိုမီးရှို့တာ။
အဲ ပစ္စေကဗုဒ္ဓါ ပေါ်လာ တဲ့အခါကျတော့
“ဟာ၊ ဒို့အစဖျောက်မှပဲ၊ ဒို့လုပ်ထားတဲ့
အလုပ် အစဖျောက်မှပဲ” ဆိုပြီး အနီးအနားမှာရှိတဲ့
ထင်းတွေ၊ သစ်ကိုင်းတွေ ချိုးကြတယ်ပေါ့။
ထင်းခြောက်တွေ အကုန်စု၊ ပစ္စေကဗုဒ္ဓါကြီးကို ဝိုင်းပြီး
ထင်းတွေပုံ၊ ပုံပြီးပြီဆိုတဲ့အခါ
“ကဲ၊ အစဖျောက်အောင် မီးတိုက်မယ်”။
အဲဒါကျတော့ အကုသိုလ် ဖြစ်သွားပြီ။
အမှားလုပ်လိုက်တာ။
အကယ်၍ သူတို့ မတော်တဆ ဖြစ်စဉ်တုန်းက
ဆက်ပြီး အမှားမလုပ်ဘဲနဲ့ ပစ္စေကဗုဒ္ဓါကို ရှိခိုး
တောင်းပန်၊ မသိလို့လုပ်မိတာပါလို့ဆိုရင်
ပစ္စေကဗုဒ္ဓါလည်း ပရိနိဗ္ဗာန်စံတာမှ မဟုတ်ဘဲ၊
သမာဓိစွမ်းအားကြောင့် မီးမလောင်တာပဲဖြစ်တယ်။
အချိန်တန်ရင်ပြန်ကြွသွားမှာနော်။
သူတို့ မီးနဲ့အကြိမ်ကြိမ်တိုက်လည်းပဲ ဒီကိုယ်တော်
ပျံလွန်တော်မူမှာမှ မဟုတ်တာ။
အဲဒါကို မသိလို့ အစပျောက်အောင်
ထင်းတွေနဲ့ပုံပြီးတော့ မီးဝိုင်းရှို့ကြတာ။
မီးဝိုင်းရှို့ပြီးတော့ ကဲ၊ မီးကျွမ်းလောက်ပြီ ဆိုပြီး
တော့ နန်းတော်ပြန်သွားကြတာ။
ပစ္စေကဗုဒ္ဓါကပြာတွေ ဖုတ်ဖက်ခါထပြီးတော့
နောက်ရက်ကျ ဆွမ်းစားကြွလာတယ်။
သူတို့ရဲ့ “စေတနာဆိုးနဲ့လုပ်ရပ်” ကြောင့်
ပစ္စေကဗုဒ္ဓါ ပရိနိဗ္ဗာန် စံမသွားသော်လည်းပဲ
စေတနာနဲ့ မီးတိုက်ခဲ့သည့်အတွက်ကြောင့်
သာမာဝတီအမှူးရှိတဲ့ မိဖုရားတွေဟာ
အဲဒီဘဝက သေတဲ့အခါ ငရဲရောက်၊
ဖြစ်လေရာ ဘဝမှာ သူတို့က မီးလောင်ပြီးတော့
သေရတယ်။
ဪ … ခုခေတ်လည်းပဲ ဘုရားရှိလို့ ဘုရားကို
မေးလျှောက်ကြည့်ရင် အသေဆိုးနဲ့သေတဲ့
ပုဂ္ဂိုလ်တွေ ဟာ “သံသရာခရီးသွားရင်းက
အမှားလုပ်ခဲ့တဲ့ ပုဂ္ဂိုလ်တွေ” ဖြစ်နိုင်တယ်။
လူတိုင်း အသေဆိုးနဲ့ သေတာမှ မဟုတ်ဘဲကိုး။
တချို့ လွတ်လာတာတွေ အများကြီး ရှိတာပဲ။
အေး၊ ဒါကြောင့်မို့လို့ သံသရာခရီးသွားနေတဲ့
အချိန်မှာ အမှားမလုပ်မိစေနဲ့လို့ ဒီလိုပြောတာ။
photo from google
