Dili ka Pilipino kung wala ka katilaw ug buwad. Sa among ulahi nga paniudto, nagluto ko ug buwad. Wala lang ko kahibaw unsa nga klase ning isda-a. Nangumpra mi ani pag dominggo unya nakaswerte kay nakapalit mi ug buwad nga dili kaayo parat, bag-o pa pud ni naabiy sa tindahan. Php 180.00 ang kilo ani, tunga lang aku-ang gipalit kay gamay ra ang tao sa amo-a, madaut niya kung dugay maka-on.
Nagluto ko ug buwad, ako-ang hunahuna naa sa utan bisaya. Kalami kaha ipares aning bulara ug utan. Tuod man, akong ate niingun nga mag-utan siya para sa among panihapon, mao pud di-ay iyang hunahuna. Taod-taud na pud mi wala nakakaon ug bulad.
Gawas sa utan bisaya , lami kaayo ni siya ipares ug champorado ug gilamasan nga guso nga gisukaan ug aslum kaayu nga datu puti.
Usa sa akong paborito nga sud-an ang bulad ug natuman na gyud ang pangandoy na makakaon ug balik niini pares sa kamatis nga balbanga-an ug pipino, busog kaayo ig human.
