အထီးကျန် ပန်းတစ်ပွင့်
=================
တစ်ပွင့်တည်းသာ ပွင့်တာကြာ၍
လိပ်ပြာလာလည်း ဧည့်မခံတတ်။
နေခြည်ဖြာသက် ခွန်းနှုတ်ဆက်ဖို့
ရှက်ရွံ့နေမိခဲ့။
လေညင်းခေါ်လာ မျောလိုက်ပါဖို့
အားနာနေမိခဲ့။
ရေလိုပါလျက် ပွင့်ဖို့ခက်လည်း
အချက်မပြတတ် ဖြစ်နေခဲ့။
တစ်ပွင့်တည်းသာ ပွင့်ရကြာ၍
အားနာရွံ့ရှက် ဧည့်ဝတ်ပျက်လည်း
ပွင့်ရက်ဆိုဖွေး မွှေးရက်ဆိုသင်း
ဇွဲတင်းစိတ်မာန် သူရှင်သန်သည်
အထီးကျန်သော ပန်းတစ်ပွင့်။
လိပ်ပြာလေးရယ် နားလည်သင့်။
နေခြည်လေညင်း အားပေးသင့်။
ရေလိုနေသည် ပန်းတစ်ပွင့်။
