ကျေနပ်အောင် နေတတ်တဲ့ စိတ်ဟာ ချမ်းသာတယ်
မြတ်ဗုဒ္ဓက "သန္တုဋ္ဌီ ပရမံ ဓနံ -ရောင့်ရဲခြင်းဟာ အကောင်းဆုံး ချမ်းသာ" လို့ ဟောတော်မူတယ်။ ရောင့်ရဲတာကို အပျင်းကြီးတာနဲ့ သွားရောလို့ မရဘူး။ သန္တုဋ္ဌီဆိုတဲ့ ရောင့်ရဲခြင်းရဲ့ သဘောက အကြောင်းတရားကို မလျှော့ဘူး၊ အကျိုးတရားအပေါ်မှာ မတုန်မလှုပ်လက်ခံနိုင်တဲ့ စိတ်ထားမျိုးကို ပြောတာ။ ကြိုးစားအားထုတ်ရမယ့် အကြောင်းတရားကို မလျှော့ဘဲကြိုးစားတယ်၊ ကြိုးစားတဲ့အတိုင်း ဖြစ်လာရင်လည်း ဖြစ်လို့ဆိုပြီး မာန်မတက်ဘူး၊ ကြိုးစားတဲ့အတိုင်း မဖြစ်လာတဲ့အခါလည်း မဖြစ်လို့ဆိုပြီး တုန်လှုပ်ခြောက်ခြား ခံစားမနေဘူး။ ဘယ်လိုအခြေအနေမျိုးမှာပဲ ဖြစ်ဖြစ်အကောင်းအဆိုးကြားမှာ ဗျာမများဘဲ လက်ခံနိုင်တဲ့ စိတ်မျိုးဟာ သန္တုဋ္ဌီရဲ့သဘောပဲ။ ကျေနပ်အောင်နေတယ်ဆိုတာ ဒီသဘောမျိုးကို ပြောတာပါပဲ။
လက်မခံနိုင်လို့ လိုက်ခံစားမိရင်တော့ မကျေနပ်တာတွေ ဖြစ်တော့တာပဲ။ မကျေနပ်ရင် စိတ်မချမ်းသာတော့ဘူး။ စိတ်မချမ်းသာရင် ကျန်တာတွေ ဘယ်လောက်ပဲ အဆင်ပြေပါစေ၊ နေရတာ အဆင်ပြေမှာ မဟုတ်ဘူး။ အရှိတရားဆိုတာ ရှိတိုင်းချမ်းသာတာ မဟုတ်ဘူး။ ချမ်းသာအောင် နေတတ်မှ ချမ်းသာတာ။ လက်ရှိ ကိုယ့်အခြေအနေပေါ်မှာ လက်ခံနိုင်တဲ့စိတ်ဟာ ကိုယ့်ကိုယ်ကိုယ် ကျေနပ်စေတာပါပဲ။ ဘယ်လိုအခြေအနေမျိုးမှာပဲ ဖြစ်ဖြစ် လက်ခံနိုင်အောင် လေ့ကျင့်ပြီး ထစ်ခနဲဆို လိုက်ခံစားတတ်တဲ့ စိတ်ကိုလျှော့ချနိုင်ရင် နေရတာ အဆင်ပြေသွားတယ်။ အဆင်ပြေအောင်နေတတ်ရင် ဘဝဟာကျေနပ်သွားတာပါပဲ။
အဓိကကတော့ ကိုယ့်စိတ်ကိုယ် ပြန်ပြီးသတိကပ်ကာ ထိမ်းနေနိုင်ဖို့ပဲ။ အများကြီးမခံစားဖို့နဲ့ သတိလက်လွတ် ဖြစ်မသွားဖို့ ဒါလေးတွေ လေ့ကျင့်ပေးနိုင်ရင် အလိုမကျတာတွေ၊ မကျေနပ်တာတွေ လျော့သွားမှာပဲ။ ဘာမဟုတ်တာလေးတွေမှာ လိုက်ခံစားတယ်ဆိုတာ တကယ်တော့ သတိလွတ်သွားလို့ပါပဲ။ သတိလွတ်သွားတော့ ကိလေသာကြားဝင်၊ ကိလေသာဝင်လာတော့ ပူပင်ခံစား၊ နောက်တော့ စိတ်ဓာတ်တွေပါ ပျက်ပြားကုန်တော့တာပဲ မဟုတ်လား။
ဒါကြောင့် ဘယ်ကိစ္စမဆို အကြောင်းရှိလို့ အကျိုးဖြစ်လာတဲ့ သဘောဆိုတာ လက်ခံပြီး ဘယ်လိုအခြေအနေမျိုးမှာပဲဖြစ်ဖြစ် ကိုယ်စိတ်ကိုယ် မတုန်မလှုပ် ရင်ဆိုင်နိုင်အောင် ကြိုးစားရင် ကျေနပ်သွားတာပဲ။ ကျေနပ်အောင် နေတတ်ရင် နေရတဲ့ဘဝ ချမ်းသာတာပါပဲ။
မေတ္တာဖြင့်
credit : မနာပ ဒါယီ အရှင်ဝိစိတ္တ