"Aceh uroe nyoe"
Kruu semangat si bintang timue
Cahya tan lee hu kenoe udonya
Jie peue ek reuedok teuka geulanteue
Ujen mee ue-ue leuepah na raya
Nibak malam nyoe panton loen rawi
Kabaran loen bie keue aceh dumna
Aceh uroe nyoe tan na le meueri
Kasaban sakri ngoen awak luwa
Sidarah aceh oh jameuen dile
Lepah na male meuturi pemuda
Teuman uroe nyoe laen loem lagee
Lam peuredee seukee jie duk berdua
Oeh uroe minggu takaloen macam dum lagee
Saboh dua lhee dilikot honda
Jijak bak jalan cit tan na malee
Dikeue-keue kidee jipeurap dada
Jisok siluwee leupah na sarat
Laen loem bajee ka hansep ija
Jisok jeuleubab silak u likot
Hana teumakot kadeueh boh dada
Ee wahe ayah ka dengoen ummi
Jaga hai abi nyan sinyak dara
Uroe dijih yoe mantong tari
Hana le arti oeh badan dua
Ek noew keueh dile nasihat loen bie
Laen keulai loen sabong teumaa
Ingat hai adoe pemuda-pemudi
Jak beuet keulai meurunoe agama.
Karya ; syukran jazila
Ceubrek,22 Febuari 2018
