Dili man ikalimud ang kahakog sa uban,
Sa kalibutanong butang walay katagbawan.
Dakong pangandoy nga kitang tanan magkatigum,
Para buntogon ang kalisud nga kita nahi-agum.
Bisan pa man nga tuod kini pangandoy lang,
Pero wala ko mawad-i ug paglaum isip usa ka nilalang,
Nga mahimong magmabungahon atong mga damgo,
Sa umaabot nga panahon ang mga hakog maka-amgo.
Lisud man tuod dawaton kini nga realidad,
Dili ko igsapayan ang kahago sa pag-ugmad.
kay ang tanan pagabugtian man ug gugma,
sa bisan unsang dagway kini nahisama.
Mga letra, pulong ug mga lain-laing litrato,
nga gikulit sukad pa man kaniadto.
Nagpakita sa kausaban sa nanglabay nga panahon,
Hayan pangandoy sa hinay-hinay natuman na intawon.
________________________________________________________________________
Imong ubos nga higala,
