PaskoNa
Dako nakong pasalamat ngai kaw akong nahimamat,
Ning bulan sa pagpangandam ayaw lang kahikurat,
Sa mga panghitabo ning kalibutan tang talagsaon,
O higala, magmaya kita labina karon nga panahon.
Pamilya ug mga barkada sa pasko kita magsadya,
Sugaton ta sa kapiskayang adlaw’g kamaya,
Usahay baya atong makalimtan ang tinuod nga mensahe,
Nga unta ang pasko dili lang sa bulan sa Disyembre.
Duha ang rason sa pasko ngano saulogon.
Pagpangandam ug pagbalik tan-aw sa kagahapon,
Andamon ta ang kaugalingon sa iyang pagbalik,
Ug handumon ta ang kagahapon nga kita nahibalik.
Ang mga simbahan bisan asa ka gipang-adornohan,
Ug mga bulak uban sad agkong kandila nga gilinginan,
Mga sembolo sa Kristohanong pagtuo
Ilabina ning pagsaulog sa adlaw sa Pasko.
Mga ninang og ninong ayaw tawn kalimti
Bisan ug dili pasko dili nalang namo esulti
Ng asa inyong gasa kami mapisikan
Kay ugma damlag ikaw pagabuligan.
Ikaw nga nagbasa ayaw napagduha-duha,
Kay pasko karon sa pagkatawo kaniya,
Kining panghitabo angayan nga pamalandungan,
Para inig abot sa panahon kinabuhi malamdagan.
__________________________________________________
