Gusto ko lumipad kasama ka
Ating aabutin ang alapaap na nais makita
Sabay nating hihilingin sa mga tala
Na sana tayo na nga talaga
Kay sarap langhapin ang hangin
Magmula nang dumating ka sa akin
Sa wari ko’y, wala na akong hihilingin
Dahil sa saya’t galak batid ng pagmamahalan natin
Ngunit sadyang mapaglaro ang tadhana
Yung akala ko’y akin, pagmamayari pala ng iba
Ngayon, bukambibig ko ang salitang “sana”
Na sana hindi ka na nakilala
Bukas, ang ngayon ay magiging kahapon
Kaya’t alaala ay aking nang ibabaon
Sa lugar na kung saan binigyan mo ako ng pagkakataon
Na maniwala sa pagibig kahit konting panahon
Paano ko na aabutin ang aking hiling
Kung sa pagpikit ng aking mata, nawala ka sa aking piling
Nawa’y magising ako sa aking pagkakahimbing
Upang di na masilayan muli ang iyong pagdating
Salamat po sa pagbasa.
