ဉီးတည်ရာမဲ့တဲ့ ခရီးလမ်းမှာ ဘဝကြင်ဖေါ်ဝေးတဲ့သူအတွက် ဘယ်အရာတွေက ခွန်အားဖြစ်စေဉီးမှာလဲ အတိတ်တွေကို ထမ်းပိုးသယ်ဆောင်ရင်းနဲ့ မရေမရာ လမ်းခရီးသွားနေတာဟာ နာကျင်မှုတွေက ဆတိုးကိန်းလို များလို့သာလာပါတယ်
ပျော်ရွှင်ကြည်နူးစရာလေးတွေကို ပြန်လည်အမှတ်ရရင်းနဲ့ အပြစ်ကင်းစင်ခဲ့လေသော နေ့ရက်ချိုချိုလေးတွေက နေ့စဉ်ကြုံရမှာဘဲလို့ တစ်ချိန်က မှတ်ယူဖူးတယ်လေ
အေးချမ်းတဲ့ဆောင်းတစ်ည အတိတ်မှာ အေးခဲနေပြီဖြစ်သော်လည်း ကြုံလာလေသော ဆောင်းညတွေတိုင်း ပြန်ပြောင်းသတိရမိနေတုန်းပါဘဲ
ရင်ခွင်နွေးလေးကို ဘဝတစ်ခုစာယုံကြည်ကိုးစားမိခဲ့တယ် ပြောင်းလဲခြင်းတွေရဲ့ မာယာကို မသိခဲ့ဘူး
ကောင်းကင်က နှင်းမှုန်းကြားတိုးထွက်ဖြာကျနေတဲ့ လရောင်မှိန်မှိန်လေးအောက် ချစ်သူမျက်နှာလေးကို နူးညံ့စွာ ဖွဖွနမ်း ချိုအီတဲ့ နှုတ်ခမ်းတစ်စုံရဲ့ စွဲခေါ်ရာနောက် လောကတစ်ခုလုံးကိုမေ့လို့သွား ရင်ခံသံတွေက စီးချက်ညီလို့
မေ့မရတဲ့အတိတ်က နာကျင်မှုတွေကို မေ့ဖျောက်ပေးနိုင်မယ်မဟုတ်သော်လည်း တမ်းတလို့ လွမ်းဆွတ်မိနေဆဲ
ကြုံလာသမျှဆောင်းညတိုင်းက ခြောက်လှန့်လို့နေဆဲ
အတိတ်တွေက ကျန်ရစ်ခဲ့ပြီ အချိန်တွေက တိုက်စားသွားခဲ့
လွင့်ပျယ်ပျောက်ကွယ်သွားမယ်ထင်ခဲ့လေသော အမှတ်တရတွေ
ယခုတိုင် အမှတ်ရနေဆဲ
နောင်တစ်ခါဆိုတဲ့ အခွင့်အရေး ရောက်မလာနိုင်တာသိနေလည်း
ကြုံဆုံခဲ့ဖူးတယ်ဆိုတဲ့ အသိနဲ့တင်
သတိရခြင်းတွေကို ဖြေသိမ့်မိပါတယ်
မင်းတစ်ယောက်ကိုတော့ သိစေချင်မိတယ်
@mm7Read next
From @mm7