ကွက်ကြားမိုး
နှိမ့်ချမှု အထင်သေးမှု တွေကြား ကျွန်တော်နေသားကျနေပါပြီ ဒါဟာ ကျွန်တော်သိတတ်စကတည်းကပါပဲ
ကြိုးစားခြင်း ရုန်းကန်ခြင်း အနိုင်ယူလိုမှု စကားကြီးစကားကျယ်တွေလည်း မပြောရဲပါဘူး ကျွန်တော်တို့ မိသားစု တစ်ထွာဝမ်းမီးတောက်လေးငြိမ်းရေး လူလိုနေရရေး ကျွန်တော်ကြိုးစားရတယ် စာတတ်ပေတတ်ဂုဏ်သရေ ရှိလူကြီးတွေပြောတဲ့ အဆင်အတန်းတို့  သိက္ခာတို့ ကိုလည်း ကျွန်တော် လှည့်မကြည့်အားခဲ့ပါဘူး ကျွန်တော်နဲ့အတူထမင်းစားဖို့  အိမ်မှာအမေက ထမင်းအဖြူချက်စောင့်နေတယ်လေ ကြက်သွန်နီတစ်ပိဿာ ၃၀၀၀ကျပ်ကျော်နေချိန်
ကန်စွန်းရွက်တစ်စည်းက ၁၀၀ကျော်နေတယ် သားအမိနှစ်ယောက်စားဖို့  တစ်နပ် ၁၀၀၀ကျော်တော့ ကုန်တယ်လေ လောကဒဏ်ကြောင့် ပါးရေတွန့်  ဆံပင်ဖြူ မျက်စိပြာ ရောဂါသည်အမေက ဘာမှမလုပ်နိုင်တော့ပေမယ့် ကျွန်တော့အတွက်တော့ အနွေးထွေးဆုံးသူပေါ့ လမ်းမလျှောက်နိုင်တဲ့ အမေ့ရဲ့အမေ ကျွန်တော့်အဖွား လေဖြတ်ဝေဒနာသည်က ကျွန်တော့်ရဲ့ ကျေးဇူးရှင်တစ်ပါးလေ ကျွန်တော်အပြန် သူတို့  ထမင်းစားဖို့ စောင့်နေတယ်
ကျွန်တော်အပြင်မှာ အလုပ်ကြိုးစားလုပ်ပါတယ် ရိုးရိုးသားသား မခိုမကပ်မခိုးမဝှက်ပဲ လုပ်ပါတယ် ဒါပေမယ့်ဗျာ လူတွေက ကျွန်တော့ကို သိပ်လည်းမယုံကြည်ကြပါဘူး လူငယ်ဖြစ်တာရော ဆင်းရဲတာရော အဝတ်အစား ပေစုတ်တာရောကြောင့်ထင်ပါတယ် တခါတလေ ကျွန်တော် အလုပ်ကို လမ်းလျှောက်ရင် ဆိုင်တွေက ခိုးတော့မလို ကြည့်ကြတယ် ဈေးဝယ်ရင် မရောင်းချင်သလို လုပ်ကြတယ် အလုပ်မှာကအစ နှိမ်ကြပါတယ်ဗျာ ကျွန်တော်လည်း လူ့ အောက်ကျတာ အသားမပဲ့ပါဘူး ဆိုပြီး မိသားစုအတွက်ကြိုးစားနေရတုန်းပါပဲ စကားမစပ် ကျွန်တော့အမည်မောင်ဖြူဖွေးပါ အဖေရှိစဉ်က စီးပွားရေးပြေလည်တော့ ဖြူဖြူဖွေးဖွေးချစ်စရာလေးမွေးခဲ့ပုံရပါတယ် ခုတော့ ကျွန်တော့ကို ခေါ်ကြတာကတ္တရာတဲ့ဗျ ကျွန်တော်စိတ်မဆိုးပါဘူး ရ ရာကူလီထမ်းစက အလုပ်စလုပ်တော့ နေစလောင်တယ်တယ်လေ နောက် ပေါက်တူးကိုင် ကန်ဖော် တွင်းတူး ခြံကူလီလုပ်တေ့ာ လက်တွေပါ အသားမာတက်လာတယ် ခြေထောက်တွေလည်း ပေပွလို့ ပေါ့ စားဖို့  နေဖို့  ဝတ်ဖို့  ဆေးဖိုး မလုံလောက်တော့ ကျွန်တော် ရ ရာအလုပ် မီးသွေး ထမ်းရပြန်တယ် အာ့တော့ အမြဲညစ်ပတ်မဲတူးနေပါတယ် ကတ္တရာ အမည်နဲ့လည်း လိုက်ဖက်တယ် ထင်တာပါပဲ တလောက ဘေးကျူးကျော်တဲက ဒေါ်ပုမ သမီး တက်ပုမ ပြဿနာကူညီတော့ အထိုးခံရလို့  မျက်နှာဖူးရောင် မျက်ကွင်းညိုနေတော့ ကတ္တရာအမည်နဲ့ပိုတင့်တယ်လာသလို ကျွန်တော်ခံစားရလို့  ပြုံးမိပါသေးတယ် သူ့ ကိစ္စက မကူညီလည်း မရဘူးလေ သူများအိမ် အိမ်အကူလုပ် ညမိုးချုပ်မှပြန် တော့ ယောက်ျားလေးတွေနဲ့တိုး ပါရောလား အိမ်အကူဆိုတော့ ဟိုက ပေးထားဆင်ထားတဲ့ အဝတ်အစား ရွက်ကြမ်းရေရိုလေးနဲ့ ပါးကွက်လေးပေါ့ အပျိုပေါက်ဆိုတော့ လှချင်တဲ့သဘောရှိပုံရတယ် ဘောစိမရဲ့ နှုတ်ခမ်းနီပါ ဆိုးလာပါလေရော ဒီအခြေအနေ နဲ့ အလုပ်ဆင်း ည၁၀ နာရီ အိမ်ပြန်ချိန် ဆင်းရဲသားကျူးကျော်ရပ်ကွက် လမ်းကြား ယောက်ျားတွေအဖွဲ့နဲ့တိုးတော့ ဘာလုပ်မယ်ထင်တုန်း မိန်းမပျက်ထင် ထိကပါး ရိကပါး လုပ်ကြတာပေါ့ဗျာ မြန်မာနိုင်ငံက စင်ကာပူမှမဟုတ်တာနော့ ဒီလို ထင်တာတော့ သူများအပစ်မဟုတ် ဆင်းရဲခြင်းအပစ်ထင်တာပါပဲ ကြွကြွရွရွချမ်းချမ်းသာသာ မမကြီးတေ ကျောင်းတက် အရက်သောက် ကလပ်တက်တာကျ ခေတ်မှီတယ်လို့ ပြောတာကျွန်တော်ကြားဖူးတယ် ဆင်းရဲသားနင်းပြား ရိုးရိုးသားသားရှာဖွေ မိဘလုပ်ကြွေးသူ ညအချိန်တွေ့ တော့ သူတို့  ပြောသလို ညည့်ငှက်ထင်ကြတာပေါ့ဗျာ ကျွန်တော်ဝင်မကူရင်လည်း ဒီကောင်မလေး ရေတိမ်နစ် ရုံမက နွံပါနစ်မယ်သိတော့ လူအုပ်ကြီး ကို မနိုင်မှန်းသိရဲ့ နဲ့ ကျွန်တော်သူရဲကောင်း လုပ်ရပါရောဗျို့  ဒီအချိန်ကတ္တရာ အမည်က ကယ်တာပေပဲလား မီးသွေးထမ်းလို့  ပေတေနေခြင်းက ကယ်တာပေပဲလားမသိ အမှောင်ထဲ ကျွန်တော်ပျောက်နေလို့  ဒီလောက်ဒဏ်ရာ ရတာပါ မဟုတ်ရင် အသုဘ ချစရာ အရိုးအသား မနဲရှာရမယ်ထင်ပါ့ အမေကတော့ ပြောရှာပါတယ် အမေ့သားဖြူဖွေးက စိတ်ပါဖြူလို့ ဂုဏ်ယူတယ်ဆိုပဲ ကျွန်တော် ပင်ပန်းပြီးပြန်လာတိုင်း ရေချိုးပီးရင် အမေ့ပါး အမြစ်တုံးရဲ့ အရိုးကို သွေးလိမ်းထားတဲ့ပါးကွက်ကြားကို နမ်းနေကြပေါ့ဗျာ ဒဏ်ရာကြောင့် နှုတ်ခမ်းကွဲ အညိုအမဲစွဲ အထိမခံနိုင်လို့  တပတ်လောက် အမေ့ပါးပြင်ရနံ့ နဲ့လည်း ဝေးခဲ့ရဖူးပါတယ် တစ်ရက်တော့ လုံးဝမထနိုင်လို့  အလုပ်နားလိုက်ရတယ်ဗျာ အဖွားဆေးဖိုးနဲ့ အိမ်စရ်ိတ်မလောက်တာနဲ့ပဲ နောက်နေ့ အလုပ်ဆင်းရတာပါပဲ ဒီလိုအဖြစ်ကို အလုပ်ပိုင်ရှင်မြင်တော့ သနားသွားပုံရတယ်ဗျ အလုပ်ရိုးသားလို့  ကျွန်တော် မမြင်ဖူးတဲ့ ငွေ၂သောင်း ပေးတယ် ကျွန်တော် အလကားမယူချင်ပါဘူး ဒါပေမယ့် အဖွားဆေးဖိုးနဲ့ အိမ်အတွက် စောင်လေး အနွေးထည်လေး ဝယ်ပေးချင်တယ် ဆောင်းရောက်လာတော့ ချမ်းနေပီလေ အမေနဲ့ အဖွားမှာ အနွေးထည်ကောင်းကောင်းမရှိ စောင်ကောင်းကောင်းမရှိဘူးကိုး အလကားလည်းမယူချင်တော့ အာ့နေ့ အလုပ်ကို အောက်ခြေသိမ်း လုပ်ပေးခဲ့ပါတယ်ဗျာ
ကျွန်တော် မကိုင်ဖူးတဲ့ပိုက်ဆံလေးကိုင်ပီး စတိုးဆိုင်ကိုဈေးဝယ်ဖို့ သွားခဲ့တယ်ဗျ ဆိုင်က အရောင်းစာရေး ချောချော အစ်မကကျွန်တော့ကို ပြောပါတယ် ဝယ်နိုလို့ လားတဲ့လေ ကျွန်တော်လည်းအံ့သြသင့်စွာ ဟုတ်ကဲ့လို့ ပြောလိုက်ပါတယ်။
ကျွန်တော် ဝန်ခံပါရစေ ညိုမဲနေတဲ့မျက်နှာရယ် နေလောင်ကွက်ရယ် မီးသွေးကြောင့် ပေတူးနေတဲ့ ကိုယ်ခန္ဓာရယ် ကျစ်ကျစ်ပါအောင်ဆုပ်ထားတဲ့ လုပ်အားခ ၅၀၀၀နဲ့ ဆု ၂၀၀၀၀ရယ် လူကုံထံမမလှလှရဲ့ စကားလုံးရယ် ကြောင့် ကျွန်တော် ဝမ်းနည်းသွားမိတယ် ဒါပေမယ့် အိမ်ရောက်ရင် အမေ့ မျက်နှာ အပြုံးမြင်ရမှာမို့  ကျွန်တော် ကျေနပ်လိုက်ပါတယ် ဒီအချိန်ထိ ဖွင့်ရောင်းတာကလည်း ဒီတဆိုင်တည်းသာ ကျန်တော့တာကိုး
အမေနဲ့ အဖွားအတွက် အနွေးထည် ထူထူ ၂ထည်ရယ် ဆေးဝါးရယ် ဝယ်လိုက်ပါတယ် ကျွန်တော့်ဖို့ တော့ မပါဘူးပေါ့ဗျာ ကျွန်တော်က လူငယ်ပဲ အအေးဒဏ်ခံနိုင်ပါတယ် အဖွားဖို့ စောင်မဝယ်ရလို့ စိတ်တော့မကောင်းဘူးပေါ့ ဒါပေမယ့် ဝယ်လို့  မဖြစ်ဘူးဗျ မနက် အိမ်စရိတ် ချန်ထားရမယ်လေ
အအေးဒဏ်ကဲလာချိန် နေ့ လည်က ပင်ပန်းမှုကြောင့် ထင်ပါတယ် ကျွန်တော့် ကိုယ်တွေ တစ်စစ်စစ်ကိုက်လာတယ် အိမ်ရောက်ချင်လှပါပီ အမေမျှော်နေရော့မယ် အမေ့ပါးရေ တွန့် နေတဲ့ ပါးပြင်လေးလည်း နမ်းချင်လှပါပြီ အဆက်အစပ်မရှိ ဒဏ်ရာရစ က မရှိမဲရှိမဲ့လေးနဲ့  ကြက်ဝယ်ပီး စွပ်ပြုတ်လုပ်လာပို့ တဲ့ တက်ပုမ အပြုံးလေးတောင် သတိရလာရဲ့ 
ဒီည အိမ်အပြန်လမ်းကြာလွန်းပါတယ်အမေ သားနမ်းမယ့် အမေ့ပါးပြင်က သနပ်ခါးလေး ခြောက်နေကြီရော့ထင်။ ။
သြဘာခင်
4.12.2017
(meechit
MSC109)
