Want create site? Find Free WordPress Themes and plugins.
ကမ္ဘာ့စားနပ်ရိက္ခာ သုတေသနအဖွဲ့ရဲ့ လေ့လာချက်အရ အင်းဆက်တွေမှာ ပါဝင်တဲ့ အာဟာရတန်ဖိုးဟာ နေ့စဉ် စားသုံးနေကျ အသား၊ ငါးတွေထက် အာဟာရဓာတ် ပါဝင်မှု ပိုမိုများပြားတယ်လို့ ဆိုပါတယ်။
မြန်မာနိုင်ငံမှာတော့ အခုလိုရာသီမှာ အင်းဆက်နွယ်ဝင် ပုရစ်တွေ လှိုင်လှိုင်ပေါများနေပြီး ဈေးကွက်လည်း ဝင်သလို စားလို့လည်း အရသာရှိတဲ့ ပုရစ်ကြော်စားခြင်းဟာ ကျန်းမာရေးအပေါ် ဘယ်လို အကျိုးသက်ရောက်မှု ရှိစေလဲ ဆိုတာ ဧရာဝတီ စာဖတ်ပရိသတ်တွေအတွက် ရေးသား ဖော်ပြ လိုက်ပါတယ်။ပုရစ်မှာ Omega3, Omega6 နဲ့ အမျှင်ဓာတ်တွေပါ ပါဝင်တာကြောင့် အစာအိမ်ရဲ့ အစာခြေစနစ်ကို ကောင်းမွန်စေပြီး ပုရစ်ရဲ့ ခပ်ဆိမ့်ဆိမ့် အရသာကြောင့် ခံတွင်းပျက်နေသူတွေ စားသုံးရင် အစာစားချင်စိတ်ကို ဖြစ်ပေါ်စေနိုင်ပါတယ်။
“တန်ဆေးလွန်ဘေး” ဆိုသလိုပဲ ပုရစ်မှာ ပရိုတင်းနဲ့ သံဓာတ်တွေ အများအပြား ပါဝင်တာကြောင့် စားသင့်တာထက် အလွန်အကျွံ စားသုံးရင်တော့ သွေးလေးစေနိုင်ပြီး သွေးပေါင်ချိန် တက်လာစေနိုင်ပါတယ်။ အင်းဆက်နဲ့ ဓာတ်မတည့် သူတွေ စားသုံးတဲ့အခါ ခန္ဓာကိုယ် အရေပြားမှာ Allergic ဖြစ်လာနိုင်တာကိုလည်း သတိပြုသင့်ပါတယ်။ပုရစ် ၁၀၀ ဂရမ်မှာ ပါဝင်တဲ့ ပရိုတင်းဓာတ်ဟာ အမဲသားနဲ့ ကြက်သားတို့မှာ ပါဝင်တဲ့ ပရိုတင်းဓာတ်နဲ့ သံဓာတ်ထက် ပိုမို များပြားပါတယ်။ သံဓာတ်နဲ့ ပရိုတင်းဓာတ် ကြွယ်ဝတာကြောင့် ဦးနှောက်ရဲ့ လုပ်ငန်းဆောင်တာတွေကို ကောင်းမွန်စေပြီး သွေးအားနည်းရောဂါ ခံစားနေရသူတွေနဲ့လည်း သင့်တော်ပါတယ်။
(၂) ပုရစ်မှာ ပါဝင်တဲ့ မဂ္ဂနီဆီယမ်ဓာတ်ဟာ နှလုံးရောဂါ ဖြစ်ပွားနိုင်ခြေကို လျှော့ချပေးနိုင်ပြီး ခန္ဓာကိုယ်အတွက် မလိုအပ်တဲ့ ကိုလက်စထရောတွေကိုပါ လျော့ကျစေနိုင်တာကြောင့် အဝလွန်ခြင်းနဲ့ ဆီးချိုရောဂါတွေကိုပါ ကာကွယ် ပေးနိုင်တယ်လို့ သုတေသနလေ့လာချက်တွေမှာ ဖော်ပြထားပါတယ်။
(၃) ပုရစ် စားသုံးခြင်းဟာ တနေ့တာရဲ့လိုအပ်တဲ့ ပရိုတင်းဓာတ်ကို ဖြည့်တင်းပေးနိုင်ပြီး ကယ်လ်ဆီယမ်နဲ့ ဖော့စဖိတ် ဓာတ်တွေလည်း ပါဝင်တာကြောင့် အရိုးကျန်းမာရေးကို အထောက်အကူဖြစ်စေပြီး သွားတွေကို ခိုင်ခံ့စေတယ်လို့ အမေရိကန်သုတေသီတွေက ဆိုပါတယ်။
