Tuwa at kaba ang iyong naramdaman
Sa malapit na pag uwi sa bayang sinilangan
Masaya sa iyong balitang natanggap
Malapit nang makita ang pamilya at mayakap

Ika’y naunang umalis sa tahanan
Para ayusin mga dokumentong kailangan
Di maalis sa akin ang pag-alala
baka sa iyong lakad di maganda ang resulta

Kaba at takot ang aking naramdaman
Hindi maipaliwanag ang aking dinadamdam
Sa aking pag uwi ay wala ka pa rin
Naging balisa at di alam ang aking gagawin

Tawag na natanggap di inaasahan
Nakakapanghina ng aking tuhod at kalamnan
Pinipilit tumawa sa’ting usapan
Kahit masigla alam kong ika’y nahihirapan

Konting tiis nalang aking kaibigan
Naniniwala akong magagawan ng paraan
Pagdadasal huwag na huwag mong kalimutan
Ayaw mo mang paniwalaan pero Siya ay nandiyan