-orihinal na tula-
Noong ako'y nasa sinapupunan
inaalagaan ng siyam na buwan
at hindi pinapabayaan
na magkulang kahit anong parti sa katawan.
Hanggang sa iyong ipinanganak
kayo pa'y nangiyak iyak
at lubos na ikinagagalak
ang munting anghel na tinatawag mong anak.
Lubos ninyong ikinatutuwa
ng marinig ang unang salita
unang salita ng bata
umaapaw na saya ng tinawag kitang MAMA.
Lagi kang nandyan
sa oras na ako'y nangangailangan
kapag mga kalaro, ako'y sinasaktan
ako ay iyong kinakampihan.
Kahit anong pagod
masakit man ang tuhod at likod
maibigay lang ang gusto
anak na nakangiti, nawawala pagod niyo.
Sa aking paglaki
kahit ako'y nagkakamali
at pa iba iba ang ugali
ako ay pinapatawad sa huli.
Pagmamahal na di maglalaho,
pagmamahal na di magbabago
salamat dahil ako'y ipananganak niyo
at kayo ang naging mga magulang ko.
