Sentyabr da gəldi, payız da gəldi amma kriptovalyuta bazarlarda heç bir canlanma gözə dəymədi. "Yardım edin, imdat, batırıq" kimi çağırılarımıza da cavab verən bir allahın bəndəsi yoxdur.
Steemit platformasında isə durumlar daha pisdir. Hər kəs yeni gələcək olan "Hardfork 20"-ni gözləyir. Dünən də bu keçişi test etdilər, alınmadı. Sentyabr ayının 25-ni gözləmək və necə olacağını seyr etməkdən başqa çarəmiz yoxdur. Bütün coinlər eləcə də Steem və SBD qiymətləri yerdə sürünür.
İnsanlar haqlı olaraq yazmaqdan vaz keçdilər.
Bu arada düşünsək görərik ki, steemit platforması sosial şəbəkə ola bilməmək problemi yaşayır. Məsələn, facebookda yazı yazmaqda bir xeyiri,qazancı olmayan insanlar hər gün orada xeyli keyfiyyətli yazılar yazmağa davam edirlər.
Problem haradadır? Nə etmək lazımdır ki, steemit kütləviləşsin, insanlar pul qazanmaq üçün burada olmasınlar. Bunu reallaşdırmaq üçün bir az cəlbedici yeniliklər etmək lazımdır.
Nə? Bu "nə" nə ola bilər?
