အနာမျိုး(၉၆)ပါး

ကျွန်တော်တို့ရှေးလူကြီးတွေပြောကြတဲ့ အနာမျိုး(၉၆)ပါးဆိုတာကို အားလုံးပဲကြားဖူးကြမှာပါ။ ဒီတော့ အဲ့ဒီ(၉၆)ပါးလုံးကဘာတွေလဲ ။ နောက်ပြီး ဘာကြောင့်ဖြစ်ပေါ်လာရတာလဲ။ စတဲ့အကြောင်းအရာတွေကို လက်ရှိခေတ်မှာ သိသူအတော်လေးနည်းသွားကြပါပြီ။
အနာမျိုး(၉၆)ပါးဆိုတာက ဟိုးအရင်ကမ္ဘာဦးအစကတည်းက ရှိနေခဲ့တဲ့အရာမဟုတ်ဘဲ ကမ္ဘာဦးအစ ပိုင်းလူတို့ဟာ အနာရောဂါမရှိဘဲနဲ့ အသက်အလွန်ရှည်ကြပြီးတော့ သုတ္တနိပါတ်ပါဠိတော်မှာတော့
"ကမ္ဘာဦးအစလူသားများသည် အစာရေစာဆာလောင်မွတ်သိပ်ခြင်း၊ တစ်စုံတစ်ခုသောပစ္စည်းကိုလိုချင်တောင့်တခြင်းနှင့် အသက်အရွယ်ကြီးရင့်အိုမင်းခြင်း ဟူသော အနာရောဂါသုံးမျိုးသာရှိသည်"လို့ ဖော်ပြထားပြီးတော့ ဥက္ကာကရာဇ်မင်းကြီးလက်ထက်ရောက်ခါမှသာ မင်းဆရာပုဏ္ဏားတို့ဟာ သတ္တဝါတို့အသက်ကို သတ်ဖြတ်၍ ယဇ်ပူဇော်ကြကာ အသားကိုစားသောက်ကြသည်မှစပြီး လူတို့ရဲ့ ခန္ဓာကိုယ်မှာ (၉၆)ပါးသောအနာ၊ (၉၈)ပါးသောအနာတို့ဖြစ်ပေါ်လာကြတယ်လို့ မှတ်သားနိုင်ပါတယ်။
အနာမျိုး(၉၆)ပါးမှာတော့ အဓိကအားဖြင့် -
(၁) သလိပ်ကြောင့်ဖြစ်သောအနာ
(၂) သည်းခြေကြောင့်ဖြစ်သောအနာ
(၃) လေကြောင့်ဖြစ်သောအနာဟူ၍ သုံးမျိုးခွဲထားပြီး လူ၌ဖြစ်သောအနာပေါင်း (၃၂)မျိုးရှိရာ (၃၂)x(၃) = ၉၆ ပါးဖြစ်ပြီး လူမှာဖြစ်တဲ့အနာ(၃၂)မျိုးအပါအဝင် သလိပ်၊ သည်းခြေ၊ လေ သုံးပါးကြောင့်မဟုတ်သော အနာ(၂)မျိုး စုစုပေါင်း အနာ(၃၄)မျိုးကို အောက်မှာဖော်ပြပေးထားပါတယ်။
စက္ခုရောဂါ (မျက်စိရောဂါ)
သောတရောဂါ (နားရောဂါ)
ဃာနရောဂါ (နှာခေါင်းရောဂါ)
ဇိဝှာရောဂါ (လျှာရောဂါ)
ကာယရောဂါ (ကိုယ်၌ဖြစ်သောရောဂါ)
သီသရောဂါ (ဦးခေါင်း၌ဖြစ်သောရောဂါ)
ကဏ္ဏရောဂါ (နားရွက်၌ဖြစ်သောရောဂါ)
မုခရောဂါ (ခံတွင်း၌ဖြစ်သောရောဂါ)
ဒန္တရောဂါ (ခံတွင်း၌ဖြစ်သောရောဂါ)
ကာသော (ချောင်းဆိုးရောဂါ)
သာသော (ပန်းနာရောဂါ)
ပိနာသော (ထိပ်ကပ်နာရောဂါ)
ဒါဟော (ကိုယ်ပူရောဂါ)
ဇရော (အဖျားရောဂါ)
ကုစ္ဆိရောဂေါ (ဝမ်းဗိုက်၌ဖြစ်သောရောဂါ)
မုစ္ဆာ (မူးမေ့သောရောဂါ)
ပက္ခန္ဒိကာ (သွေးဝမ်းရောဂါ)
သူလာ (ထိုးအောင့်သောရောဂါ)
ဝိသုဓိကာ (ဝမ်းရောဂါ)
ကုဋ္ဌဌ (နူနာရောဂါ)
ဂဏ္ဍေဍာ (ထွက်မြင်းနာရောဂါ)
ကိလေသော (ပြောက်ကျားသော ခရုသင်းနာ)
သောသော (မြစ်ခြောက်နာ)
ဒန္ဒု (ဝဲကြီးဝဲစိုနာ)
ကဏ္ဍဍု (ဝဲခြောက်နာ)
ကစ္ဆု (ပွေးနာ)
ဝိကစ္ဆိကာ (လက်ဖဝါး ခြေဖဝါး ကွဲသောအနာ)
လောဟိတပိတ္တံ (သွေးအံ သွေးကျနာ)
မဓုမေဟော (ဆီးချိုရောဂါ)
အံသာ (မြင်းသရိုက်ရောဂါ)
ပိဠကာ (ထွတ်အိုင်းနာ)
ဘဂန္ဒလာ (ဘရင်ဂျီနာ)
သလိပ်သည်းခြေလေကြောင့်မဟုတ်သော အခြားအနာရောဂါနှစ်မျိုးမှာ
အပမာရ-ဘီလူးဖမ်းသောအနာ (ပယောဂနာ) နဲ့
နခသာ-ခြေသည်းလက်သည်း ခြစ်မိသော အနာ တို့ဖြစ်ပြီး အချို့ကတော့ ဤနှစ်မျိုးကိုပေါင်းထည့်ကာ အနာမျိုး(၉၈)ပါးလို့ခေါ်ကြပါတယ်။
အခုဖော်ပြခဲ့တာကတော့ မြန်မာ့တိုင်းရင်းဆေးကျမ်းများမှာ ဖော်ပြထားတဲ့ အနာမျိုး(၉၆)ပါးဖြစ်ပြီးတော့ ဒဗ္ဗဂုဏဆေးကျမ်းမှာ အနာမျိုး(၁၂၂)ပါး၊ ဆနဝုတိဆေး ကျမ်းမှာလည်း ယခုဖော်ပြထားတဲ့ အနာရောဂါများနဲ့ ကွဲပြားနေတဲ့ အနာမျိုး(၉၆)ပါး စသဖြင့် ဆေးကျမ်းတစ်ခုစီအလိုက် ကွဲပြားမှုလေးတွေလည်း ရှိနေပါသေးတယ်။
ဆနဝုတိဆေးကျမ်းမှာဖော်ပြထားတဲ့ အနာမျိုး(၉၆)ပါးကတော့ -
ဖဝါးပူပါဒရက်နာ၊
ဘိန်းပြဲကိုယ်ရောင်နာ၊
ကုတ်ဟီးချောင်းဆိုးနာ၊
ဝက်ရူးနာ၊
ရှူနာ၊
ဘက်သကပ်နာ၊
ကြို့ထိုးနာ၊
စိမ်ရေသင့်နာ၊
ကြွက်နို့နာ၊
ထွတ်မြင်းနာ၊
ခူကိုက်နာ၊
သနပတ်နာ၊
မှဲ့နာ၊
တင်းတိပ်နာ၊
သင်းခွေ ချပ်နာ၊
ပွေးညှင်းနာ၊
ရေယုန်နာ၊
အသား မာနာ၊
ကြက်လည်ပင်းကြီးနာ၊
အနာ မှောက်ခုံ၊
ရမ်းနမဲနာ၊
မွေးကျွတ်နာ၊
သွေးစု နာ၊
ဝက်ခြင်နာ၊ ဝက်ချုပ်နာ၊
တောင်စဉ် ခုနစ် ထပ်နာ၊
အနာပဆုပ်၊
ဆင်ကူလည်ပြတ်နာ၊
ဖွတ်သိုနာ၊
အနာသစ်ငုတ်၊
ရေဇူနာ၊
အိုင်းနာ၊
အိုင်ငယ်ရေမြွေဆိပ်နာ၊
ခရုဘေနာ၊
သက်တန့်ခေါင်းလျှိုနာ၊
သတပိုနာ၊
မြွလေက်ပတ်နာ၊
ဆံကျင်နာ၊
မှန်ကင်းနာ၊
အနာပတ္တမြား၊
မင်နာ၊
ဂရင်ဂျီအနာမီး၊
နဂါးပွက် နဂါးဖုံးနာ၊
ငရှဉ့်ပွက်နာ၊
ကိန္နရာနာ၊
မုတ္တကိတ်နာ၊
ထွက်နာ၊ ဝက်အူနာ၊
သရက်ကင်းနာ၊
အနာထွတ်၊
အထင်ကလိနာ၊
မုက္ခစိုနာ၊
ကာလနာ၊
မြင်းသရိုက်ပိတ်ဝမ်းပျက်နာ၊
မျက်စိနာ၊
သွေးကျနာ၊
ခေါင်းခဲဦးယဉ်းနာ၊
အမူးနာ၊
နှလုံးသွေးနာ၊
တကျည်းနာ၊
ဂူနာ၊
ကျပ်သဖီနာ၊
မေဓုန်သနပတ်နာ၊
သွေးပွက် နာ၊
နူနာ၊
ဝဲနာ၊
အင်ပြင်နာ၊
မြေပြုတ်ရှပ်နာ၊
သွေးကင်ပိန့်နာ၊
ဝက်ခမ်းနာ၊
လိင်သေနာ၊
မုဿနာ၊
လေပူလောင်နာ၊
ရိစွဲနာ၊
ဆီးအောင့်နာ၊
မြွေငန်းသွေးငန်းနာ၊
ဂျွမ်းခိုက်နာ၊
သွေးမွှန်နာ၊
အော့နာ၊
အတွင်း သွေးပျက်နာ၊
သွေးသဖုံးနာ၊
ကလမူနာ၊
နို့ယဉ်နာ၊
ကျဗဟုံးကြက်ညှာနာ၊
နို့မြွေသူငယ်နာ
ကျောက်နာ၊
ဝက်သက်နာ၊
မီးယပ်နာ၊
မြုံနာ၊
မြေသလိပ်နာ၊
သည်းခြေနာ၊
လေနာ၊
တုတ်သံနာ၊
ဒူလာသရောသွေးသွန်နာ၊
ဥတုယာဉ်ငယ်မန်းနာ၊
ပယောဂနာ၊
လောဘ- ဒေါသ-မောဟနှင့် ယှဉ်သောအနာ၊
ကိလေသာနှင့် ယှဉ်သောအနာ
တို့ပဲဖြစ်ကြပါတယ်။ အထက်ပါဖော်ပြထားတဲ့အတိုင်း အနာမျိုး(၉၆)ပါးနဲ့ပတ်သတ်တဲ့ အယူအဆများမှာ အမျိုးမျိုးရှိကြပြီးတော့ အထက်ပါအနာများဖြစ်ပွားရခြင်း အကြောင်းအရင်း(၈)ပါးရှိပါသေးတယ်။ အဲ့ဒါတွေကတော့ -

ဝါတ သမုဋ္ဌဌာန- လေကြောင့်၊
ပိတ္တသမုဋ္ဌဌာန- သည်းခြေကြောင့်၊
သေမှ သမုဋ္ဌဌာန- သလိပ်ကြောင့်၊
သန္နိပါတိကအထက်ပါအကြောင်း တို့ စုပေါင်းမိသောကြောင့်၊
ဥတု ဝိပရိဏာမ- ဥတုဖေါက်ပြန်သောကြောင့်၊
ဝိသမ ပရိဟာရ- အစာအာဟာရမညီညွတ်မှုကြောင့်၊
ဩပက္ကမိကသူတစ်ပါး တို့ရိုက်နှက်ပုတ်ခတ်မှုကြောင့်
ကမ္မဝိပါက- ကံကြောင့်

     တို့ပဲဖြစ်ပြီးတော့ ရှေးလူကြီးများကို ကန်တော့ကြရာမှာလည်း အနာမျိုး(၉၆)ပါးကင်းဝေးပါစေလို့ ဆုတောင်းကြတာလည်း လက်ရှိမှာ အစဉ်အလာမပြတ်ဘဲရှိနေပြီးတော့ လက်ရှိခေတ်လူတို့ အနာမျိုး(၉၆)ပါးအကြောင်းကို သိရှိနိုင်ဖို့အတွက် ဖော်ပြပေးလိုက်ရပါတယ်။

ကျမ်းကိုး - မြန်မာ့စွယ်စုံကျမ်း အတွဲ(၁၄)

          သဠာယတနသံယုတ်

ကာရှိုင်း (ကြယ်စင်ချစ်သူ)
@AuroKarshine