Bhaaiyo aap ko yaad hoga maine pahle hi 2 post ki hai ki kon kon se khiladi west indies jaa rahe hai match khelne ke liye. Jiss me se main aap ko T20 ka bata chuka hoon aur ODI ka bhi bata chuka hoon. Ab main aap ko test match ka bataunga ki kon se player khelne waale hai.
Thoda test match me kuch badlaao kiya gaya hai. Mujhe lagta hai iss me thoda galat hai. Chaliye ye dekhiye ye hai wo team jo khelne jaa rahe hai test match west indies ke saath me.
India’s squad for 2 Tests: Virat Kohli (Captain), Ajinkya Rahane (VC), Mayank Agarwal, KL Rahul, C Pujara, Hanuma Vihari, Rohit Sharma, Rishabh Pant (WK) Wriddhiman Saha (WK), R Ashwin, Ravindra Jadeja, Kuldeep Yadav, Ishant Sharma, Mohammed Shami, Jasprit Bumrah, Umesh Yadav
— BCCI (@BCCI) July 21, 2019
Ajinkya Rahane ko iss baar mauka mila hai aur ye banda test material hi hai. Ye banda test hi badhiya khelta hai, ye t20 ya fir odi ke liye nahi bana hai. Rok rok ke khelta hai aur achha khelta hai isliye ye mujhe test match me bahut hi badhiya lagta hai. Yahi vice kaptan hoga test match ka aur virat kohli kaptan honge. lekin main ye chahta tha ki virat kohli ko araam diya jaaye aur rohit sharma se kaptani karwaayi jaaye.
Lekin ab chayan karne waale ko jaisa sahi lage waisa hi wo karenge unka bhi sahi hai. Iss me Ishant Sharma ko bhi mauka diya gaya hai. Ishant ko log bahut jyada troll karte hai lekin ye itna bhi bura khiladi nahi hai bhai. Waise ho bhi sakta hai kuch kah nahi sakte kyo ki yahi hai wo banda jo banglore ka bowling coach hai aur aap log banglore ki bowling kaisi hai ye to jaante hi ho ye kisi se chupa nahi hai.
Iss ke alawa bumrah ko bhi mauka mila hai aur ye banda to bhai India ki jaan hai. Abhi sab se achha gendbaaj yahi hai iss ke yorker se achhe achhe ka paseena nikal jaata hai. India ka sab se mast gendbaaj hai ye aur ab tak jitne bhi gendbaj they usme se ye mujhe sab se achha lagta hai. Iss ko west indies ke daure se t20 match aur ODI match me araam diya gaya hai lekin ye test match khelne wala hai. Mujhe iss se badi umeed hai waise ODI match khilwana tha yaar iss bande se khair koi baat nahi.