At kung minsan pa ay humihilik nga
Ang mga tulad namin na taga-bantay ng bansa
Imbis na pumikit ay dilat ang mga mata
Upang di masalisihan ng mga masasama.
Habang ang tahanan ay sa gitna ng giyera
Kung saan almusal ay mga bala at granada
Kailan ba matatapos itong pakikidigma?
Bakit di na lang tayong lahat ay magkaisa?
Magkakapatid sa lahi ngunit nagbabangayan
Na tila walang pag-ibig sa ating bayan
Maawa sana tayo sa nadadamay na kababayan
Na kahit mga musmos ay sinusundo ni kamatayan.
Mga bata at matandang humihingi ng saklolo
Kailan ba matatapos itong mga gulo?
Kapag ba ubos na ang bawat Pilipino?
Pairalin nawa natin ang awa sa mga puso.
PIXABAY