Upang umani ng aming ipinunla
Kasama ng kalabaw na kay sipag talaga
Parehong pagod ngunit di iniinda
Para sa pamilyang nag iintay sa kubong sira-sira.
Kahit ka initan ay tinitiis namin
Huwag lang gutom ang aming sapitin
Upang sa hapag ay may maihain
Kasama ang anak at asawang butihin.
Masasakit na kalamnan na halos ikamatay
Ngunit dapat bumangon upang mag bantay
Doon sa bukirin ng aming mga palay
Na tila higit pa sa aming mga buhay.
Marurumi ang kuko at laging pawisin
Wag sanang pandirihan ang mga tulad namin
Inyo sanang pahalagahan bawat butil ng kanin
Sapagkat ito’y buhat sa pagsusumikap namin.
PIXABAY