Yaong mga araw ng aking kabataan
Tuwing umaga ay patungo sa eskwelahan
Kahit ayaw ngunit kailangan
Upang ako’y huwag kagalitan.
Kasama ang kaibigan para magpatintero
Ngunit sa kalayuan ay natatanaw ko
Ang aking ina na may hawak na pamalo
Upang sunduin ako sa may kanto.
Sa bawat hakbang nya ang puso ko’y pumipintig
Ngunit bawal dahil ang tatay ay magngangalit
Ako raw ay bata pa kaya sya ay di papanig
Wala na akong nagawa kundi magmukmok sa sahig.
Na tila lahat ay naganap lang kahapon
Ang sarap balikan ng buhay noon
Ngunit ang musmos na di maawat sa tsupon
Yosi at alak na ang hawak ngayon.
PIXABAY