I greet una my country people... And I de welcome una to this Naijapidgin ogbonge blog
Abeg as e be now.... I need to know watin una go do if this matter meet you
image credit
I meet one bobo 7days ago and me and this guy don de chat de call since and I come say make I visit this Bobo on Saturday, we talk wella but the guy no "DO" me xha and when night don de come I tell the guy say I don de go house and the bobo start to de beg me say make I sleep for him house that night, na so him friend sef come de beg me too.... But my body no gree me stay.
So easter monday yesterday me and this Bobo comot again and the Bobo still say make I follow am go house and I tell am another story why I no go follow am.... The Bobo call me come de Para say I de post am and him wan "DO". so the bobo come ask how much to take "DO" me and I like this bobo ooo and na everything wae babe de find for man the bobo get...
The question now na say
How I go tell the bobo and him go understand say I no b Olosho.?
Na @mittymartz bring this matter come today
Na @mittymartz design this avartar for our ogbonge community.