တစ်သောင်းတန်အစုတ်ကလေးတစ်ရွက်
ငယ်ငယ်ကဆိုရင်
ရှင်ဘုရင်တွေအပေါ်
ဆင်ဖြူတော် အရူးထသူတွေလို့
မြင်ဖူးခဲ့တာပါ့ကွယ်။
ရှင်ဘုရင်တွေဟာ
အားအားရှိ ဆင်ဖြူတော်ပဲ ရှာတယ်
ရှင်ဘုရင်ချင်းဆုံရင်
ဆင်ဖြူတော်ချင်းပြိုင်သတဲ့
အိပ်ရာမဝင်ခင် ပုံပြင်တွေထဲမှာ။
ပြောရရင်
အဲဒီခေတ်က
ကျပ်တစ်သောင်းတန် ငွေစက္ကူတောင် မပေါ်သေးဘဲနဲ့။
ငါတို့ဟာ
ရှင်ဘုရင်မဟုတ်ပါဘဲ
ဆင်ဖြူတော်စကားပဲ ပြောဖြစ်နေကြ
တစ်သောင်းတန်တွေ တစ်သောင်းတန်တွေ
ဝင်တယ်
ထွက်တယ်
ဝင်တယ်
ထွက်တယ်။
ဗေဒင်ဆရာက မှာတယ်
ဆင်ဖြူတော်ဝင်မယ့်နိမိတ်မြင်သတဲ့
ချည်တစ်ခင်နဲ့ ကျိန်းမကျေစေနဲ့ဆိုလား
စဉ်းစားကြည့်တော့
ငါတို့အသိဥာဏ်တွေကိုက
ငါတို့ဘဝတွေရဲ့
ယတြာအချေခံသက်သက်ပါ ဗေဒင်ဆရာရယ်။
တစ်သောင်းတန်အစုတ်တစ်ရွက်ရယ်
အကြံကောင်း ဥာဏ်ကောင်းရယ်
ခုခေတ်မှာ လက်ခံရခက်နေဆဲ။
ကဗျာရေးတဲ့လက်ထဲမှာ
နှလုံးခုန်သံတချို့ဟာ
ဆင်ဖြူတော်တစ်ရွက်လို အိပ်ပျော်နေလေရဲ့
မင်စွန်းနေတဲ့ တစ်သောင်းတန်လေးရေ။