ငှက်ကလေး
အိပ်မက်တွေဟာ ငါ့စိတ်တွေကို
ငိုစေခဲ့တယ်ငှက်ကလေး
အိပ်မက်တွေကိုသာ ပိုင်ဆိုင်နေရပြီး
မင်းကို လက်လွှတ်လိုက်ရတဲ့အခါ
ငါ့ရင်ဘတ်တွေ အစာမကြေသလိုဖြစ်တယ်
အိပ်မက်တွေသာ ဖန်ဆင်းပေးပြီး
မျှော်လင့်ချက်တွေ ပျောက်ဆုံးနေတာ
ဘာကြောင့်များလဲ ငှက်ကလေးရယ်
အဆင်မပြေမှုတွေ မျက်ရည်တွေကြား
နင့်ကို မြင်နေရတယ် ငှက်ကလေး
နင် နေများကောင်းရဲ့လား
တွေးပူနေတဲ့စိတ်ဟာ ခဏအတွင်းမှာ
ငရဲကျတယ် ငှက်ကလေး
ဖြစ်နိုင်ရင် နွမ်းနယ်နေတဲ့
ခန္ဓာကိုယ်တစ်ခုလုံးကို ထွေးပွေ့ယုယ
ပေးချင်ခဲ့တာ ငှက်ကလေး
လေလှိုင်းထဲကနေတောင် နွေးထွေးမှုတွေ
မပေးနိုင်ခဲ့တဲ့အတွက် ငါကိုယ်ငါ
နာကျည်းရပါတယ် ငှက်ကလေး
အိပ်မက်တွေဟာ လက်တွေ့နဲ့ပြောင်းပြန်ဆို
နင့် ငါ့ဆီလာတယ်ဆိုတဲ့အိပ်မက်ဟာ
ငါ နင့်ဆီ သွားရဖို့များဖြစ်နေလား
နင် ဘာမှမဖြစ်ပါစေနဲ့ ငါဆုတောင်းရင်း
ငါ့ရင်တွေကွဲတယ် ငါ့မျက်ရည်တွေကြွေတယ်
နင်အဆင်ပြေပါ့မလား ငှက်ကလေးရယ်
ငါ မေးခွင့်ရောရှိသေးရဲ့လား ငှက်ကလေးရေ