تشدد اُستاد کی نااہلی کی دلیل ہے۔
ابنِ خلدون(1406ء-1332ء) کے جسمانی سزا کے بارے میں خیالات:
- تعلیم میں سختی و تشدد سخت مضر ہے۔
- تشدد اُستاد کی نااہلی کی دلیل ہے۔
- بچوں کے ساتھ ہی نہیں اگر غلاموں اور خادموں کے ساتھ بھی ظلم و تشدد اور قہروغضب کا برتاؤ کیا جائے تو اُن کی طبیعت بُجھ جاتی ہے اور دل سے اُمنگ، خوشی اور چہرے سے بشاشت دُور ہوجاتی ہے۔
- طبیعت میں سختی،جھوٹ، دغا، مکروفریب اور دوسری برائیاں ان کی فطرت میں داخل ہوجاتی ہیں۔
- یہ سب سختی کے ڈر سے ہوتا ہے۔
- اس لیے اساتذہ اور والدین کے لیے لازمی ہے کہ شاگرد اور اولاد پر تادیب میں ضرورت سے زیادہ سختی روا نہ رکھیں۔
- ابنِ خلدون تجویز دیتے ہیں کہ بچوں کے ساتھ، پہلے سے سکھانے کے وہ طریقے اپنائے جائیں کہ سزا کی ضرورت ہی نہ پڑے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام انسانی نفسیات کے مطابق طرزِ زندگی کا نام ہے، اسی نفسیات کے تحت تعلیم و تربیت کے مزید نکات دیکھتے ہیں:
- تعلیم کے ساتھ اخلاقی تربیت لازم ہونی چاہیے۔
- اصلاح کے لیے شفقت ضروری ہے لیکن حد سے زائد شفقت و محبت بھی مضر ہے۔
- اگر(اُستاد کو) زیادہ غصہ آجائے تو وہ خود ہٹ جائے یا شاگرد کو ہٹا دے اور ٹھنڈا پانی پی لے۔
- ہم جماعتوں سے سزا دلوانا انتہائی غلط طریقہ ہے۔
- اُستاد کے لہجے کی کرختگی اس کے مقام کو مجروح کرتی ہے اور تعلیمی عمل کو نقصان پہنچاتی ہے۔
- وحشیانہ سزائیں جیسے ہنٹروں یا ڈنڈوں سے بے دردی سے مارنا نہایت گناہ ہے۔
- وحشیانہ سزاؤں سے بچے کے قُوٰی کمزور ہوجاتے ہیں، دوسرے یہ کہ ڈر کے مارے سارا پڑھا لکھا بھول جاتا ہے۔
- استاد کو چاہیے کہ ماحول کو خوشگوار بنانے کے لیے کبھی کبھی مزاح بھی کرلیا کرے۔ کثرت میں نہ ہو کہ اس سے رعب و خوف کم ہوجاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوپر درج نکات کتاب "مُسلم معلم" مرتب "عبدالرحمٰن وزیر" سے لیے گئے ہیں، اساتذہ اور والدین کے لیے اس کتاب کا مطالعہ ازحد مفید ہے، یہ تعلیمی نفسیات سمجھنے کے لیے بہت معاون کتاب ہے۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
