ငတာနှင့်ပညာရှင်
“ကျောင်းဆရာ ထဗျာ … လက်ဖက်ရည် လိုက်တိုက်ပါ”
မိုးမလင်းသေးဘူး ရောက်လာတဲ့ ငတာ
“ဟဲ့ကောင် … ညက ၂ နာရီမှ အိပ်တာ။ အိပ်ရေးမဝသေးဘူး”
“ထတော့ဗျာ … ခင်ဗျားအိမ်ရှေ့က လော်စပီကာ အော်ဖို့ ပြင်နေပြီ။ မကြာခင် ဟဲလို တက်စတင်း လုပ်တော့မယ်”
မထလို့မဖြစ်။ မထမချင်း ဂျီကျနေမှာလို့ အိပ်ရာကထ မျက်နှာသစ်မယ်လုပ်တော့ ငတာက
“ဆရာ … မျက်နှာကို ရေတွေနဲ့ ဝုန်းဆိုပြီး လောင်းမချလိုက်နဲ့နော်”
“ဘာဖြစ်လို့လဲကွ”
“ညက ဖတ်ထား၊ မှတ်ထား၊ လေ့လာထားတဲ့ ပညာတွေ ရေနဲ့ ပါသွားပါ့မယ်”
“အေး ဟုတ်သား”
မျက်နှာကို ရေနဲ့ ဖွဖွလေး ပွတ်၊ သွားတိုက်တော့လည်း
“ဆရာ … ဝေါ့ခနဲ မထွေးလိုက်ပါနဲ့ ပညာတွေ ပါသွားမယ်”
“အေးပါကွာ”
အပြင်ထွက်ဖို့ လှေကားက ဆင်းမယ်လုပ်တော့
“နေဦး … နေဦး … ဆရာ”
“ဘာလဲကွ ငတာ”
“ကျွန်တော် ဝှီးချဲလေး သွားယူမယ်”
ဒီမနက် ငတာတစ်ကောင် ဘာဖြစ်နေမှန်းကို မသိ
“ငါက ဘာဖြစ်နေလို့လဲ … လမ်းလျှောက်နိုင်တယ်ကွ”
“မဟုတ်ပါဆရာ … လမ်းလျှောက်ရင် ပညာတွေ ထွက်ကျကုန်မှာ ကြောက်လို့ ဝှီးချဲလေးနဲ့ တင်ပြီးတော့ တွန်းသွားချင်လို့ပါ”
“ငတာ သောက်ရူး … မင်းငါ့ကို ဒီမနက် အရူးလုပ်နေတာပဲ”
“အရူးက အရူးကို အရူးလုပ်လို့မရပါဆရာ”
“ဘယ်လိုဖြစ်နေတာလဲကွ … ဒီမနက်မှ ဆရာချင်းကို မိုးမွှန်နေတော့တာ”
“ဆရာမို့ ဆရာခေါ်တာပါ အပြစ်လား ဆရာ”
“ဟေ့ကောင် ငတာ ငါသောက်မြင်ကပ်လာပြီ”
“ဆရာ ဖြည်းဖြည်းပြော … ဒေါသတွေ မပါနဲ့ … ပညာတွေ ထွက်ကျကုန်လိမ့်မယ်။ ဆရာ့လို ဆရာ တစ်ခေတ်မှာ တစ်ယောက်ပဲရှိတာ။ ဆရာသာ သေသွားရင် အစားထိုးလို့မရတဲ့ ဆုံးရှုံးမှုကြီးဖြစ်တော့မှာ။ ဒါကြောင့် ဆရာ သတိထားပါ”
“အိမ်း … ဟုတ်ပေသား … ငါက ပညာရှင်လေကွာ။ ဒီမြန်မာမှာ မပြောနဲ့ ကမ္ဘာမှာတောင် ငါ့လို ပညာရှင်ဆိုတာ မရှိနိုင်ဘူးကွ … မှန်ရဲ့လား”
“မှန်ပါတယ်ဆရာ … ဒါကြောင့် သတိထားပါဆရာ။ လမ်းဖြတ်ကူးရင်လည်း သတိထား၊ ထမင်းစားလည်း သတိထား၊ သွားသတိ၊ လာသတိ၊ စားသတိပေါ့”
“အင်း … ငါ့တပည့်ထဲမှာတော့ မင်းက မဆိုးပါဘူး။ ကိုင်း တပည့်ကြီး ကြိုက်တာမှာ”
“လက်ဖက်ရည်နှစ်ခွက် ထုံးစံအတိုင်း၊ ထမင်းကြော် ကြက်သား၊ ကြက်ဥ ဟပ်ဖရိုင်း”
“စားလော့ တပည့်ကြီး … စားလော့ … ယနေ့တော့ တပည့်ကြီး ကြိုက်ရာမှာစားလော့”
“ဖြည်းဖြည်းပြောပါဆရာ … အို … ရေနွေးကို အဲသည်လို မသောက်နဲ့လေ … ပညာတွေ ငုပ်ဝင်သွားမယ်”
“မှန်ပေသည် ငတာ … ပညာရှိ သတိလက်လွတ်ဖြစ်ပေတယ်”
“ဟဲ့ မင်းတို့ လက်ဖက်ရည်ဆိုင် ညှော်လှချည်လား … ဒီမှာ ငါတို့ဆရာ ပညာရှင် ရောက်နေတာ မသိကြ ဘူးလား။ အညှော်နံ့ကြောင့် ပညာတွေ ငုပ်ဝင်သွားမှာ စိုးရိမ်ရတယ်”
အဲဒီ အချိန်မှာ အိမ်ကထွက်သာလာ … အိမ်သာ မတက်ခဲ့ရပါ။ ဝမ်းကနာ
“ငတာရေ … ငါဝမ်းနာလာသကွာ။ အိမ်သာ သွားချင်တယ်”
“မဖြစ်ဘူးဆရာ”
“ဘာကြောင့်လဲကွ”
“ဆရာ့ပညာတွေ အီးနဲ့ ပါသွားလို့မဖြစ်ဘူး။ အောင့်ထားပါဆရာ”
“မရတော့ဘူးကွာ …”
ကျွန်တော် မသက်မသာနဲ့ လက်ဖက်ရည်ဆိုင်အိမ်သာ ပြေးခဲ့ရသဗျာ။ ပြန်လာတော့ ငတာက ကျွန်တော့်ကို သောက်ဂရုတောင်မစိုက်။ သတင်းစာကောက်ဖတ်နေတယ်။
“ဟေ့ … ငတာ … ငါ ကိစ္စပြီးခဲ့ပြီကွ … ပြော … ဒီမနက် ဘာများ ကြားချင်သလဲ”
“ခင်ဗျား ဘယ်သွားတာလဲ”
“အိမ်သာလေကွာ … မင်းသိပါတယ်”
“ကျောင်းဆရာ”
“ဟာ … မင်း အပြောင်းအလဲ တယ်မြန် … စောစောကပဲ ဆရာချင်းထပ်နေသေး။ ပညာရှင်ပါကွ”
“ဘာ … ခင်ဗျားက ပညာရှင် … ဟုတ်လား”
“အေးလေ မင်းပဲ ပညာရှင်ဆို”
“မသိလို့မေးပါရစေ”
“မေးစေဗျား”
“အလို … ပညာရှင်ကြီးခင်ဗျား … ပညာရှင်ကြီး အီးအီးပါရင် ဖင်လှန်ပြီးပါသလား။ ဖင်မလှန်ဘဲ အီးပါသလား သိချင်သဗျာ”
“ဟဲ့ကောင် ဘယ်သူဖြစ်ဖြစ် အိမ်သာဝင်ရင် ဖင်လှန်ရသကွ”
“အဲဒါပဲ … ခင်ဗျား … ဘာကောင်ဖြစ်ဖြစ် … အိမ်သာကို ဝင်ရင် … ဖင်လှန်ရတာပဲ။ အတူတူချည်းပဲ”
“မင်းဟာလေ အပြောင်းအလဲတယ်မြန်”
“ဟဲ … ဟဲ … မနေ့ကတစ်မျိုးပြော … သည်နေ့တစ်မျိုးပြင် … နောက်တစ်နေ့ ထပ်ဖောင်း … နောက်တစ်ကြိမ် အကောင်းပြောနေတဲ့ခေတ်လေဗျာ … ဟား … ဟား … ပညာရှင်တွေ ပေါတဲ့ခေတ်။ ဒီမနက်တောင် ခင်ဗျားကို ပညာရှင်လို့ခေါ်လိုက်တာ ဘဝင်တွေလေဟပ်ပြီး ဖိုးသိုးဖတ်သပ်ကိုဖြစ်နေလိုက်တာ”
“ငတာရယ် … ငါ့မှာတော့ အဟုတ်မှတ်လို့”
“ကျောင်းဆရာ သိလား … လောကမှာ အရူးဘယ်လောက်များသလဲဆိုရင် ကျုပ်ခွေးတွေတောင် အူရင် (ဝူး) ဆိုပြီး မအူတော့ဘူး သိလား”
“ဟေ … ဘယ်လို အူသလဲ”
“အရူး … အူး …”
ပြောပြောဆိုဆိုနဲ့ ငတာတစ်ကောင် စိန်ဝင်းထွန်းရဲ့ အရူးသီချင်းဆိုပြီး ထွက်ပြေး
“အရူး … အရူး … အရူး”
#cd: တင်ညွန့်
photo ; facebook