Aking pagbati sa iyo aking kaibigan
Naway ang iyong araw ay may kagalakan
At iyong pagpasensyahan itong aking liham
Hatid nito ay pawang kalungkutan
Sa aking panimula kung saan lahat ako ay nagsimula
Ikaw ay akin lamang nakita sa discord nung ako ay bago pa
Sa aking pagdating roon isang tao lamang ang sadya
Pero sa hindi inaasahan nagkaroon ako ng mga kaibigan
Ngayon ako sa iyo ay nagpapaalam
Dadating ang oras na ako ay dmo na maramdaman
Hindi mo na rin makikita ang aking pangalan
Sapagkat ang aking account ay magiging bula na lamang
Kasama ng paglaho ng isang bula ang aking alaala
Makakalimutan din na ako ay wala na
Sa panandaliang panahon na aking inilagi
Ako ay naging bahagi ng grupong TNS kahit panandali
Ang mga nakalipas na kasiyahan at katuwaan
Ay napalitan ng katahimikan at pagdaramdam
Hindi ko na babanggitin ang mga pinagsimulan
At hindi ko na tutukuyin ang sino-sinuman
Para sa Iyo, ako ay simpleng tao lamang
Lagi naririyan pag ako ay inyong kailangan
Hindi man aq totoong nakikita, presensya ko ay ramdam
Dadamayan kita sa kasiyahan pati sa kalungkutan
Maraming salamat sa panahon na ako ay may kailangan
Mga drama ko sa buhay na iyong pinakinggan
Mga bagay sa buhay na dko nalalaman
Sayo ko lamang napagtanto ang aking mga kamalian
Ako ay tao lamang na nagkakamali rin minsan
tanggap ko sa sarili na minsan ay may kahambugan
Pero kahit ni minsan wala akong taong inapakan
Pagkat akoy may tinatahak na sariling daan patungo sa katotohanan
Ngayon ako sa iyo ay nagpapaalam para sa aking paglisan
Dahil ang aking sintang iniirog, kami ay nagkalabuan
Siya lamang dahilan kung bakit ako naririyan
Ngayong wala na patutunguhan, ito na ang panahon ng aking paglisan
Sa lahat ng nakakakilala sa akin o malapit sa akin
Alam nyo rin ang dahilan, Ginugugol kong mga oras na aking pinaglalaanan
Ang aking mahal na ina na may malubhang karamdaman
At harapin ang katotohanan na ako ay hanggang dito na lamang
Paalam aking kaibigan, Paalam sa aking mga naging Kaibigan
Ito ang inyong lingkod na nakangiti sa likod ng larawan
Nagpapasalamat sa lahat ng makakabasa nitong aking liham
PAALAM......
