Salam'alaikum warahmatullah.
Jaroe dua blah di ateuh ulee.
Lon lake meu'ah meunyo na salah.
Hana bak awai kadang bak akhee...

Wahe syedara muda ngen mudi.
Nyang na di gampoeng atau di kota.
Nyo ka ta tamoeng lam buleun suci.
Beu na ta samboet ngen suka cita..

Buleun puasa beu jai ibadah.
Bek sampe tanyo hana ta tupu.
Keurja ube eik bek leupah-leupah.
Bek sampe oh hek wah ta pajoh bu..

Mita raseuki beuleuheun-leuheun.
Bek meukat kupi cot uro timang.
Bek demi keu peng langgar aturan.
Keude makanan bek sampe teu-ploeng..

Raseuki tanyo bandum kaleuh na.
Hana wah ta let kubah puasa.
Puasa beu lancar keurja beu tiga.
Meunan keuh cara neuk na bandua..

Uroe keurija malam ibadat.
Bek meu geurabang bak keudee kupi.
Sunnat teuraweh beuna ta pubut.
Bek hanjan mugrep langsong bak wifi..😊😊..

Teurimoeng geunaseh..