Ijoe meuhalak lam pandang mata
Hase meulimpah leupah na nyata
Hate teuh seunang aman bukoen le
Lampah beusabe beumeunan qada
Meunan keuh teuman dalam syuruga
Leupah na indah han ek takata
Hana teubayang dalam keupala
Hana bandingan sinoe lam donya
Keboen that indah leupah that nyaman
Tempat meuseunang geutanyoe hamba
Keboen lam doenya payah tarawat
Payah ta papah siumu masa
Keboen disideh hana pu peugah
Tan payah siram tan payah pula
Cuma amalan sagai keupangkai
Oeh lheuhnyan teuman bandum ka sigra