Baroe seupoet aneuk mit aneuk mit seukitar sinoe jimeusapat jimeubuka bersama.kareuna katrep ka hawa jih jineuk buka bersama.alhamdulillah baroe seupoet ka meuhase deungoen izin allah.
Aneuk aneuk mit nyan leupah na seunang ka meuteume buka bersama.keumenu jilake manoek panggang.mandum jipeulaku keudroe jih.kamoe rayeuk jak bloe sagai.laen mulai peugeot bumbu sampe pudep apui urusan sabe keudroe droe jih.wate takaloen jikeurija teukheum teuh.sira jikeurija sira jimeudawa.nyan ban donya aneuk mit.dalam hitungan meunet jeut meu ubah ubah.hana dendam.hana pakek beungeh trep trep.paleng trep sijeum.
Poh nam lewat ka siap mandum.meu jiduek teuk jipreh wate meubuka.sang hana troek troek.na yang ka mulai mat mat bu.na yang ka mulai mat mat glah ie.jitanyoeng le.kajeut buka?
Beutoi beutoi hana ek jisaba le.