Ratap Aneuk Nanggroe
Oleh : Lukfar Ilyas Ismail
Bak bineh laot uloen duk sidroe
Kareung bak jaroe loen puta-puta
Riyeuk meualon ombak meutampo ingat keu nanggroe Aceh pusaka
Yoh masa jameun dilee klheh neukheun-kheun
Nanggroe tapeumaju rakyat beusejahtra
Teuman oh jameun jinoe ka laen peukateun
Ka lale ureung ngoen but narkoba
Yang han ek bloe ganja piep lem cap kameng
Sang kabeh reuneeng dum aneuk muda
Pajan keuh maju aceh loen sayang
Pemikiran muda kabeh dum fana
tajak u langsa lewat kota idi
tajak u sigli lewat peudada
takaloen putra putri pih kalage suami istri
panggilan abi umi sang lage ka sah bak KUA
oh takalon aneuk dara soek si luwue lie
langsong si laki tergoda goda
cicem goet-goet di cong bak panjoe
Teungoeh cot uroe ji peu lam paya
Neupeugoet aturan hay umi ngon ayah
Sayang sidara menyoe kan berbadan dua
Wahee abang loen yang atoe nanggroe
Neupeugot keuh nanggroe beukong agama
Hana kamoe lake honda ngon moto
Rakyat beusejahtra yang kamoe pinta
Menyoe aceh nyoe nanggroe ka maju
Rakyat kamakmur hudep sejahtra.
