Assalamu’alaikum rakan sinaroe. Nibak uronyoe long neuk peusaheh haba tentang apam. Apam yang tanyoe teupu adalah makanan khas Aceh, jinoe ka berubah jeut keu piasan aceh.
Nyoepat na panton dari ulon tuan...
Assalamu’alaikum rakan meutuwah
Adun metuwah mandum syedara
Dinanggro aceh seurambi meukah
Nanggroe syuhada para aulia
Bacut lon rawi bak rakan rakan
Cuma piasan keu ubat mata
Di aneuk dara apam jualan
Murah murahan lagot lagoina
Apam di aceh di obral murah
Keu peng kuliah di aneuk dara
Suai akhirat hana masalah
Nyamban ka parah ileume hana
Hana ji tupue keu hukom tuhan
Dalam alquran fatwa ulama
Didalam hadis wahe eu taulan
Hinan neupeutrang jeulah lagoina
Cara jipublo sep brat leu macam
Sebbrat leu apam di ibukota
Bebe tapeusi jipublo malam
Keu aneuk agam peujabat kadang na
Han ek tapike di tanyo awam
Keu suay yak tham hana kuasa
Keuhukom naggro syariat islam
Hukom lam alam aceh mulia
Etno keuh mantong haba lon tuan
keurakan-rakan bagi yang baca
Tannyo meulake bak sidro tuhan
Mudah-mudahan geuampon dosa