最近幾個月，Bitcoin既升勢勢不可擋，短短幾個月就由3000幾美金升到9000幾美金，一躍成為2019年表現最好既資產類別，令一眾成日大嗌Bitcoin係騙局既人大跌眼鏡。
長遠黎講，Bitcoin係未來幾年有機會有好好既表現，投資者值得分注入市。
係度先簡單講下點解長遠睇好Bitcoin價格會升，主要有以下幾個因素：
係2020年每個Block區塊奬勵都會減半，而家已經有1700萬粒Bitcoin掘左出黎，Bitcoin既產量只會越黎越少。上次既牛市就係係減半年前後發生（2015～2017，2016係減半年）。
係香港雖然仲唔係好多人敢玩Bitcoin，因為波動大，但係非洲、委內瑞拉、印度呢啲國家對Bitcoin既需求係非常之高，因為佢哋既銀紙既波動仲大過Bitcoin，所以佢哋好多時候會選擇買Bitcoin保值。
越黎越多既機構推出相關服務同產品，好似年頭富達（Fidelity）已經開始為「符合條件的客戶」提供密碼貨幣服務，而呢啲機構既龐大資金只要漏少少出黎都可以大力推升成個幣市。
最近好多關於加密貨幣既新消息唔只係出現係幣圈，而係廣泛地被主流媒體報導，好似Facebook既加密貨幣Libra同波場創辦人孫宇晨同股神既飯局，相信會有唔少普羅大眾開始留意，甚至願意將部分資金投資Bitcoin。
The facts speak for themselves, 睇過往既數據就最客觀，無得拗，Bitcoin係過去十年只有2年既表現係呈負增長，而呢2年都係大跌既年份，經過2018年既大跌，今年已經升左接近200%，而相信呢個升勢仲可以行多一兩年。
