vorsicht, das ist jetzt auf kärntnerisch verfasst :D
zumindest versuach i mol so auf kärntnerisch zu schreibn, wos i sunst nur ob und zua per sms oder postkoatn moch.
zuo obwechslung is es echt witzig- so hirnsynaspen aktivierend :) wie schreibt ma an sotz schen und relativ richtig, wenn ma sunst dos eher doch recht sötn in da sproch des vertrauns mocht. nit mol mit de lehrer oder diversen kundn konnst dos mochn. zuagebn: es klingt a bissal bäuerlich. oba dos passt scho so :)
olso. der erste Advent, i muass gestehn, dass do noch ka keazn brennt. oba sobold i ausm netz draussn bin, check i dos mol mit mehrwelten ob. dem is dos nämlich nit sooo wichtig. okok, letztes joahr hob i nämlich komplett veagessn, unsan adventskronz ausm kosnt zu tuan (vor nun sechs joahr homa an im obvakaf ergattat, soge und schreibe an Euro homa gezohlt für den! echte tonnenzweigalan, rote maschalan, und keazn. für papa homa a an gnoman, in gold/orange :) und der holtet NOCH IMMA. er nodelt net, sieht noch supi aus (hoff i mol, den heia schlummert er a noch selig im kostn) und wird jedes joahr a bissi nei aufgepeppt (do a neie keazn, do a engale). no, vielleicht moch i donn a foto davon und lods hoch ;)
hm, spot is a schon. der suntog is echt schnöll vaflogn, wiedamoi. Beim neichn Italiener homa uns heit a richtig große Pizza genehmigt, sodass ma noch locka bis übernächstes joarh voll san... olladings gehn kekse imma. und kakao. glühwein und schoki :) ahja... der nikolo kumt jo a demnächst wieda!! juheeee. rosch die stiefalan geputzt und vur die Tia gstöt - es konn oba a seiiin, dass mei liebstebeste freundin mir wieda stü und heimlich n sackale mit Süßem und söbstgebockenen Keksn auf die tiaschnolln hängt - mit besten Grüßen vom Nikolo :) letztes joahr warat des sackerle fost meina mietze aufn flauschign kopf gfolln. fost. dafü woa a a leckerli für meine zwa Mutzis drin - olso olles wieda guat ;)
füa olle, die sich üba diesn text getraut hom - steh am auf und klatschn a runde! es hot ma echt spass gmocht :)
jetzt huck i mi zu mein mehrwelten- Hasi aufn teppich und zock mit ihm a runde bound by flame. oda so. oda i lies die neie knickerbocker bande, hehe ;P
