တစ်ခါတုန်းက ကုန်ထမ်းသမားတစ်ယောက်ဟာ ဆိုင်တစ်ဆိုင်မှာ ကြက်ကင်ဝယ်စားသတဲ့။ ငွေရှင်းခါနီးကျတော့ ဆိုင်ရှင်က ခင်ဗျားခုငွေမပေးနိုင်လည်းနေပါ ကျုပ်စာရင်းမှတ်ထားလိုက်မယ်လို့ ပြောသတဲ့။ ကုန်ထမ်းသမားလည်းဝမ်းသာအားရထွက်သွားသတဲ့။
အတော်ကြာတော့ ကုန်ထမ်းသမားလည်း သူအကြွေးတွေရှင်းဖို့လာတယ် ဆိုင်ရှင်ကကြေးဒင်္ဂါးတစ်ပြားပြီးတစ်ပြားဆင့်ရင်းဟိုဘက်ပုံဒီဘက်ပုံနဲ့တွက်နေသတဲ့။ သိပ်ရှုပ်ထွေးတဲ့အဖြစ်တစ်ခု တွေ့နေရသလို အလုပ်များနေခဲ့သတဲ့။
ကုန်ထမ်းသမားကလည်း စိတ်မရှည်နိုင်ဘဲ မေးလိုက်သတဲ့။
'ဘာတွေများဒီလောက်ရှုပ်နေတာလဲ ခင်ဗျားကြက်ဖိုးခင်ဗျားသိမှာပေါ့ '
' အခုအဲဒါတွက်နေတာပေါ့ ' ဆိုင်ရှင်ကပြန်ပြောလိုက်သတဲ့။
အတော်ကြီးကြာမှကြက်ကင်ဖိုးကိုပြောပြလိုက်သတဲ့။ သူပြောတဲ့ဈေးဟာ ပေါက်ဈေးထက် အဆရာပေါင်းများစွာ များနေသတဲ့။
' ဟ....ကြက်တစ်ကောင်ဟာဘယ်နှယ့်အဲဒီလောက် ဈေးကြီးနေရတာလဲ '
ကုန်ထမ်းသမားက တအံတသြပြောလိုက်သတဲ့။
' ခင်ဗျားတွက်ကြည့်လေ ခင်ဗျား အဲ့ဒီကြက်ကိုမစားရင် ဥ ဘယ်လောက်ဥမလဲ ဥတွေကနေကြက်ဘယ်လောက်ပေါက်မလဲ ဥကြက်ဘယ်လောက်ကနေ '
ကုန်ထမ်းသမားဟာမခံနိုင်အောင်ဖြစ်သွားသတဲ့။
' ခင်ဗျား စီးပွားရေးလုပ်နေတာမဟုတ်ဘူး လူတွေကိုလိမ်နေတာ ခင်ဗျားတောင်းတဲ့ငွေမပေးနိုင်ဘူး '
အဲဒါနဲ့ ငြင်းရင်း ခုန်ရင်းနဲ့သူတိုလည်းတရားသူကြီးတစ်ဦးရှေ့မှောက်ကိုလာခဲ့ကြရော တရားသူကြီးက ဆိုင်ရှင်ဘက်မျက်နှာလိုက်ပြီး စီရင်ချက်ချလိုက်သတဲ့။
ဒါနဲ့ကုန်ထမ်းသမားလည်း သူကိုငွေရှာဖို့အချိန်ပေးပါဦးလို့ ပြောပြီးစိတ်ညစ်ညစ်နဲ့ထွက်လာခဲ့သတဲ့။
လမ်းမှာ အာဖန်ကီးနဲ့တွေ့တော့ အားဖန်ကီးကအကျိုးအကြောင်းမေးသတဲ့။
' တရားသူကြီးဆီပြန်သွား လူသိရှင်ကြား ရုံးတင်ဖို့ပြောခင်ဗျာဘက်ကကျုပ်အမှုလိုက်ပေးမယ် '
ကုန်ထမ်းသမားလည်းတရားသူကြီးဆီ ချက်ချင်းသုတ်ခြေပြန်တင်ခဲ့သတဲ့။
အမှုရုံးတင်တဲ့ နေကျတော့အမှုစတင် စစ်ဆေးပြီးတော်တော်ကြာမှအာဖန်ကီးကရောက်လာသတဲ့။
ရောက်လာတာနဲ့တရားသူကြီးဆီခွင့်ပန်လိုက်သတဲ့။
မနက်ဖြန်ကျွန်တော်မျိုးဂျုံစိုက်ပျိုးမှာမို့မျိုးစေ့တွေကောင်းကောင်းလှော်နေရတာနဲ့ကြာသွားပါတယ်ဗျာ ကျွန်တော်ကိုခွင့်လွှတ်ပါ။
အဲဒီစကားကို ကြားတော့ တရားသူကြီးတို့အုပ်စုကရယ်မောလိုက်ကြသတဲ့။
ပေါက်ကရတွေလာပြောမနေနဲ့အာဖန်ကီး လှော်ထားတဲ့ဂျုံစေ့က ဘယ်လိုလုပ်အပင်ပေါက်မလဲ?
အဲဒီတော့ အာဖန်ကီးကလည်ချက်ချင်းပဲတုံ့ပြန်မေးလိုက်သတဲ့။
လှော်ထားတဲ့ဂျုံစေ့ကအပင်မပေါက်နိုင်ရင် ကင်ထားတဲ့ကြက်ကလဲ ဘယ်လိုလုပ်ဥဥမလဲ?
အာဖန်ကီးရဲ့မေးခွန်းကိုကြားလိုက်တာနဲ့တရားသူကြီးလည် နှုတ်ပိတ်သွားသတဲ့။
နောက်ဆုံးကုန်ထမ်းသမားကိုအနိုင်ပေးလိုက်ပြီးကြက်ကင်ဖိုးကို ပေါက်ဈေးအတိုင်ပေးချေဖို့စိရင်ချက်ချလိုက်ရသတဲ့။