Poetry #4 - Kumusta Ka Kaibigan?
Listen to this post
~2 min
Source
Kumusta Ka Kaibigan?
Hindi kayang bigkasin ng mga labi ko
Kaya sa tula ko na lang idadaan
Bawat titik nito'y totoo
Yan palagi'y iyong pagkatandaan
Hindi ko na patatagalin pa
Mensahe koy akin nang sisimulan
Kaya ikay maghanda na
Buksan ang puso at isipan
Kumusta ka kaibigan?
Ibig ko lang naman mabatid
Di ka siguro makasagot
Sa simpleng tanong na aki'y inihatid
Pero huwag kang mag-alala
Di naman ako nangangagat
Tanging gusto ko lang sana
Masagot mo lang, iyon na'y sapat
"Okay lang naman",
yan siguro'y sagot mo
Okay ba talaga yan
Yan kasi noon ang sagot ko
Baka kasi ika'y kasali sa tinatawag nila na statistika
Statistika ng mga taong mapagkubli
Sa harapan ng madaming tao'y grabi makatawa
Pero ibang iba pala sa huli
Kaya gusto ko sanang tanungin ulit ito sa'yo
Sana'y ikay maging tapat
Kumusta ka ba talaga kaibigan ko?
Huwag mong ikahiya yan sa lahat
Baka naman kasi ika'y natatakot
O sadyang di ka lang makasagot
Kasi kahit na ika'y nalulungkot
Di parin kita sa ganda ng maskara mong suot
Ikaw siguro ay nagtataka
Ba't ba gustong gusto kong malaman
Ako kasi dya'y nanggaling na
Ni ayaw ko sanang pag usapan
Pero sa sarili ko'y napagtanto
Bakit di ibahagi itong dalang kasagutan
Kasagutang nagbigay tono
Sa buhay kong ang hirap solusyonan
Alam mo na siguro kung ano
Pero hindi mo lang siguro pinapansin
Wala iba kundi si Kristo
Ayaw mo man, Kasaguta'y Siya parin.
Other Poetry Work:
goshy ·
